ئه‌ڤین زه‌كی: ئه‌ز شێفا ئێكێ مه ل دهۆكێ
دهۆك، هه‌رهین محه‌مه‌د:
ئه‌ڤین زه‌كی، به‌رنیاس ب ده‌یكا عه‌بدولره‌حمانی، پێشكێشكارا به‌رنامێ كابانی ل وار تیڤی، د دیداره‌كێ دا بۆ رۆژناما ئه‌ڤرۆ گۆت: ب شێوه‌كێ ئه‌كادیمی ژخانمان ئه‌ز شێفا ئێكێ مه ل دهۆكێ، چونكو ئه‌ز ئێكه‌مین ژن بووم هاتیمه دناڤ سۆشیال میدیایێ دا من خوارن چێكرین، هه‌روه‌سا ئه‌ز ئێكه‌م ژن بووم من پرتووكا خوارنان چێكری و خولێن چێكرنا خوارنان بۆ ژنان ڤه‌كرین.
ئه‌ڤینێ گۆت: ئه‌ز دزانم پتر ژ هزار جۆرێن خوارنان چێكه‌م (كوردی، بیانی، رۆژهه‌لاتی و رۆژئاڤایی) هه‌روه‌سا گه‌له‌ك خوارن و شرینی من هه‌نه ژ داهێنانا من بخوه نه و دتورێن جڤاكی دا به‌لاڤ دكه‌م و پتر ئه‌ز ب خوارنێن كوردی و یێن رۆژئاڤایی چێدكه‌م و ده‌مێ من دیتی شێف ل تیڤیێ ده‌ردكه‌ڤن به‌رنامێن چێكرنا خوارنێ پێشكێش دكه‌ن من دیت من ئه‌و شیان هه‌نه ئه‌ز ژی به‌رنامه‌كی پێشكێشكه‌م و نوكه ل كه‌نالی َوار تیڤی به‌رنامی َكابانی پێشكێش دكه‌م، هه‌روه‌سا مژوولی چێكرنا پرتووكا كابانی مه و ئه‌و خوارنێن ئه‌م ل گوندان چێدكه‌ین كا كیژ گونده و مه چ خوارن چێكریه دوێ پرتووكێ دا دێ دیاركه‌م.
