بالیۆزێ دانیمارك ل ئیراقێ بۆ مه‌سرور بارزانی: هه‌رێما كوردستانێ پێگه‌هێ خوه یێ گرنگ ل ئیراقێ و ده‌ڤه‌رێ یێ هه‌ی
ئه‌ڤرۆ:
سه‌رۆكێ حوكمه‌تا هه‌رێما كوردستانێ، مه‌سرور بارزانی، پێشوازی ل كریستیان تۆرنینگ بالیۆزێ نووی ێ وه‌لاتێ دانیمارك ل ئیراقێ كر.
سه‌رۆكێ حوكمه‌تا هه‌رێمێ، پیرۆزباهیا ده‌ستبكاربوونێ ل بالیۆزێ دانیمارك كر و هیڤیا سه‌ركه‌فتنێ د ئه‌ركیچن وی دا بۆ خواست و به‌رهه‌ڤیا هه‌رێما كوردستانێ بۆ پێشڤه‌برنا په‌یوه‌ندیان ل گه‌ل دانیمارك دووپاتكر.
بالیۆزێ دانیمارك، سه‌ره‌رای سوپاسیا ئالیێن په‌یوه‌ندیدارێن حوكمه‌تا هه‌رێما كوردستانێ بۆ هاریكاری و هه‌ماهه‌نگیان باش ل گه‌ل بالیۆزخانه‌یا وه‌لاتی وی، ئاماژه ب گرنگیا پێگه‌هێ هه‌رێما كوردستانێ ل ئیراقێ و ده‌ڤه‌رێ كر و خواستا وه‌لاتێ خوه ژی بۆ پێشڤه‌برنا په‌یوه‌ندیان ل گه‌ل هه‌رێما كوردستانێ دووپاتكر.
گرنگیا پاراستنا ئاسایش و سه‌قامگیریا هه‌رێما كوردستانێ و چاكسازیێن كابینه‌یا نه‌هێ یا حوكمه‌تا هه‌رێمێ، ته‌وه‌ره‌كێ دی یێ دانوستاندنێن دیدارێ بوون.
