بریتانیا: دڤێت بۆ هه‌ر پێشهاته‌كێ به‌رهه‌ڤ بین
ئه‌ڤرۆ:
وه‌زاره‌تا ده‌رڤه یا بریتانیا راگه‌هاند كو پشتی شه‌رێ رۆسیا و ئۆكرانیایێ قۆناغه‌كا نوو ل جیهانێ ده‌ستپێكریه و ئێدی چو تشته‌ك وه‌كو به‌رێ نه‌مایه، مه‌ترسیێن ل سه‌ر ئۆرۆپا ژی رۆژ ب رۆژێ زێده‌تر لێ دهێن و ژ به‌ر هندێ ژی بریتانیا نه‌چاره خوه بۆ شه‌ڕی و هه‌ر پێشهاته‌كا دی به‌رهه‌ڤ بكه‌ت.
ل ئالیێ دی ئاژانسا بی بی سی ژی د راپۆرته‌كێ دا دیار كریه كو سه‌رۆك ئه‌ركانێ له‌شكرێ بریتانیا داخواز ژ هێزێن سه‌ربازی یێن وه‌لاتێ خوه كریه كو خوه بۆ شه‌ڕی به‌رهه‌ڤ بكه‌ن، چونكو سه‌ركه‌فتنا رۆسیا د شه‌ڕێ ل گه‌ل ئۆكرانیایێ دا دهێته رامانا شه‌ڕه‌كێ دی و ئه‌و شه‌ڕ ژی دێ ل ئۆرۆپا بیت، ژ به‌ر هندێ ژی بریتانیا نه‌چاره خوه بۆ شه‌ڕی به‌رهه‌ڤ بكه‌ت، چونكو رۆسیا دڤێت ئێرشی هنده‌ك وه‌لاتێن دی یێن ئۆرۆپا ژی بكه‌ت.
