بزاڤ دهێنە كرن پرۆژە ل سەر هەموو رووبارێن دهۆكێ‌ بهێنە دانان

بزاڤ دهێنە كرن پرۆژە ل سەر هەموو رووبارێن دهۆكێ‌ بهێنە دانان

4

ئەمیر ئەترووشی

رێڤەبەرێ‌ سكرێن دهۆكێ‌ دیار كر، نوكە كار ل سەر دروستكرنا هژمارەكا سكرێ‌ یا بەردەوامە، بڕیارە دو سكرێن دی ل سنوورێ‌ پارێزگەها دهۆكێ‌ بهێنە دروستكرن و دبێژیت: هەموو ئەو رووبارێن ل سنوورێ‌ پارێزگەها دهۆكێ‌ دەرباز دبن، پڕۆژە دێ‌ ل سەر هێنە دروستكرن.

فەرهاد محەمەد تاهر رێڤەبەرێ‌ سكرێن دهۆكێ بۆ ئەڤرۆ‌ ئاشكرا كر، بارانبارینێن ئەڤ سالە كاریگەری ل سەر سكرێن دهۆكێ‌ هەبوویە و رێژەكا بەرچاڤ یا ئاڤێ‌ د سكرێ‌ دهۆكێ‌ دا هاتیە ئومباركرن، سكرێ‌ خنس ژی دووەم مەزنترین سكرە ل پارێزگەها دهۆكێ‌ ئەڤ سالە تمامبوویە و هەتا نوكە ب بلنداهیا 23 مەتران ئاڤ تێدا هاتیە كۆمڤەبوویە و گۆت: «هەر ئەڤ سالە كار ل سەر دو سكرێن دی هاتیە دەستپێكرن، ئەو ژی سكرێ‌ گەلیێ‌ بەنداوایە ل دەڤەرداریا سێمێلێ‌ و سكرێ‌ سپنە دو ل ناوچەداریا بامەرنێ‌«.
فەرهاد محەمەد گۆت: «پلان هەیە هژمارەكا سكرێن دی یێن مەزن ل هەرێما كوردستانێ‌ بهێنە دروستكرن، ژ وان ژی سكرێ‌ باكرمان پاسێ‌ ل ناوچەداریا دینارتە و سكرێ‌ مەنداوە د ناڤبەرا سنوورێ‌ هەردو پارێزگەهێن هەولێر و دهۆكێ‌ دا، ئەڤە سكرێن مەزنن و مفایەكێ‌ باش بۆ ئومباركرنا ئاڤێ‌ و بەرهەمئینانا كارەبێ‌ دێ‌ هەبیت».
ناڤهاتی گۆت ژی: «مە پلان هەیە مفای ژ هەموو وان رووباران وەربگرین، یێن ل سنوورێ‌ پارێزگەها دهۆكێ‌ را دەرباز دبن، هەتا ئاڤا كانیا ژی ب هەدەر نەچیت و پڕۆژە ل سەر بهێنە دروستكرن، دیسا هەر سكرەكێ‌ دهێتە دروستكرن ژی، مە بزاڤا كری مفا بۆ كەرتێن چاندن و گەشتوگوزارێ‌ هەبیت، داكو پڕۆژە ل بەر بهێنە كرن و دەلیڤێن كاری ژی بۆ وەلاتیان دابین بكەن».

کۆمێنتا تە