بهایێ هه‌یڤانه یێ ئاڤێ هاته كێمكرن
هه‌ولێر، سولین سلێمان:
وه‌زاره‌تا باژێرڤانی و گه‌شتوگوزارێ د داخویانیه‌كێ دا راگه‌هاند: هه‌ر ژ نوكه هه‌تا 21/12/2022 هه‌ر هه‌ڤپشكه‌كێ ئاڤێ یێ هه‌تا نوكه پیڤه‌رێ ئاڤێ گرێ نه‌دای و نوكه گرێ بده‌ت دێ مفای ژ داشكاندنا كرێیا سه‌رێ هه‌ڤێ یا ئاڤێ بینیت.
ئاری ئه‌حمه‌د، رێڤه‌به‌رێ گشتی یێ ئاڤ و ئاڤڕێژان ل هه‌رێما كوردستانێ بۆ رۆژناما ئه‌ڤرۆ دیار كر، به‌ری نوكه ژ بۆ هه‌ر پشكداره‌كێ ئاڤێ یێ پێڤه‌ر گرێ نه‌دای هه‌یڤانه 80 هزار هاتبوونه دیاركرن و گۆت: “نوكه بڕیار هاتیه‌دان ئه‌و گوژمه بۆ 20 هزار دیناران ل سه‌نته‌رێ باژێران و ده‌رڤه‌ی باژێران ژی 10 هزار دیناران بهێته كێمكرن”.
خویا ژی كر، هه‌كه هه‌ر كه‌سه‌ك پشتی ئه‌و رێككه‌فتا هاتیه دانان پیڤه‌رێ ئاڤێ گرێ نه‌ده‌ت ب گوژمێ 80 هزار دیناران ژ بۆ هه‌ر هه‌یڤه‌كێ دێ هێته سزادان و گۆت: “ئه‌و پشكدارێن ئاڤێ یێن دڤێن نوكه پیڤه‌رێ ئاڤێ گرێ بده‌ن، دشێن سه‌ره‌دانا فه‌رمانگه‌هێن ئاڤێ بكه‌ن و پیڤه‌ر دێ بۆ هێته گرێدان و مفای ژ بڕیارا لێخوشبوونێ وه‌رگرن”.
