تابلۆیەك ژ تە

تابلۆیەك ژ تە

11

مەلەڤان بارانی

ئەڤ شەڤە مینا پرچا تە
یا نەرم و بێدەنگە!
ئەز یێ سەنفونیەكێ ژ پرچا تە یا
پێل پێل دئاڤرینم
هند یا نازكە!
چ ژەنیار نەشێن بژەنن
جار ژی چاڤێن من
حەجینە و
خالا دێمێ تە تەواف دكن
دو چاڤێن تە ستێرێن گەشن
هەمی ستێر یێن تاریكرین
دێمێ تە یێ هەیڤ ژێ ڕەڤی
تاریستانێن بەرزەكرین
هەی تو..
تو چ رەنگێ نازكیێی؟
پەلاتینكەك پڕی ڕەنگی
یان فریشتەیەكا سپی و بێدەنگی
یان ژی
پەرەكێ نازكی
ژ بن چەنگێ كوترەكا سپی كەفتی؟

کۆمێنتا تە