جودا ژ سالێن بۆری بەرهەڤی بۆ پێشوازیكرنا گەشتیاران هاتینە كرن

جودا ژ سالێن بۆری بەرهەڤی بۆ پێشوازیكرنا گەشتیاران هاتینە كرن

31

ئەڤرۆ

هەولێر، قائید و سولین:

دەستەیا گشتی یا گەشتوگوزارێ لهەرێمێ‌ دیار كر، ئەڤ سالە جودا ژ سالێن بۆری بەرهەڤی بۆ پێشوازیكرنا گەشتیاران هاتینە كرن و پەیڤدارێ دەستەیا گشتی یا گەشتوگوزارا هەرێما كوردستانێ‌ ژی دبێژیت: پێشبینی دهێتە كرن هەژمارەكا بەرچاڤ یا گەشتیاران ل رۆژێن نەڤرۆزێ سەرەدانا هەرێما كوردستانێ بكەن، لەو چەندین تیم ل جهێن گەشتیاری و خالێن پشكنینێ‌ دێ هێنە بەلاڤكرن.
ئیبراهیم عەبدولمەجید، پەیڤدارێ دەستەیا گشتی یا گەشتوگوزارێ بۆ رۆژناما ئەڤرۆ دیار كر، سالانە هەژمارەكا بەرچاڤ یا وەلاتیێن دەڤەرێن ناڤەڕاست و باشوورێ ئیراقێ و دەرڤەی هەرێما كوردستانێ پشكداریێ د جەژنا نەڤرۆزێ دا دكەن و گۆت: «مە ل هەموو پارێزگەه و ئیدارەیێن سەربخوە تیمێن گەشتوگوزارێ پێكئیناینە، داكو پێشوازیێ ل گەشتیاران بكەن، دیسا ل هەموو خالێن هاتنا گەشتیاران و جهێ سەیران و گەشتێ ژی تیمێن گەشتوگوزارێ دێ هێنە بەلاڤكرن، چەندین ئاهەنگ ب هەلكەفتا هاتنا نەڤرۆزێ دێ هێنە گیڕان».
ئیبراهیم عەبدولمەجید گۆتژی: «هەژمارێن تەلەفۆنێ هاتینە بەلاڤكرن بۆ هەر حالەتەكی گەشتیار دشێن پەیوەندیێ بكەن و ئەم پێشبینی دكەین هەژمارا هاتنا گەشتیاران بۆ ئەڤێ نەڤرۆزێ زێدە ببیت، چونكی ل خالێن هاتنا گەشتیاران ئاسانكاری بۆ هاتنا گەشتیاران هاتینە كرن، هەماهەنگی ل گەل خوارنگەهان هاتیە كرن ل رۆژێن بهێنڤەدانێ بهێنە ڤەكرن بۆ ڤێ چەندێ گەشتیار وەك سالێن بۆری تووشی ئاریشەیان نەبن بۆ پەیداكرنا نان و كەلوپەلان».

کۆمێنتا تە