حه‌سه‌ن عارف: فلمێن بیانی بۆ گه‌ڕا نه‌هێ‌ یا فلمه‌ فیسته‌ڤالا دهۆك یا...

حه‌سه‌ن عارف: فلمێن بیانی بۆ گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی د قووناغا ڤاڤارتنێ‌ دانه‌

6

ئه‌ڤرۆ، رێوار محه‌مه‌د ره‌شید:

به‌رپرسێ‌ ڕاگه‌هاندنێ‌ ل گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی بۆ به‌رپه‌رێ‌ هونه‌ری یێ‌ رۆژناما ئه‌ڤرۆ ئاشكرا كر كو هه‌می به‌رهه‌ڤی بۆ ڤه‌كرنا گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی هاتینه‌كرن و فلمێن كوردی هاتینه‌ وه‌رگرتن و یێن بیانی ژی د قووناغا ڤاڤارتنێ‌ دانه‌.

حه‌سه‌ن عارف، به‌رپرسێ‌ ڕاگه‌هاندنێ‌ ل گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی دیار كر كو نێزیكی 200 فلمێن كوردی پێشكێشی به‌شێ‌ كوردی یێ‌ فلمه‌ فیسته‌ڤالێ‌ هاتبوونه‌كرن، به‌لێ‌ پشتی ئه‌ڤ فلمه‌ هاتینه‌ ڤاڤارتن ژ ڤی سه‌رجه‌می نێزیكی 50 فلم و كورته‌ فلم و فلمێن دیكیۆمێنتاری بۆ گه‌ڕا نه‌هێ‌ یا فلمه‌ فیسته‌ڤالا دهۆك یا نێڤده‌وله‌تی هاتینه‌ هه‌لبژارتن و گۆت: “رێژه‌كا باش یا فلمێن بیانی ژی گه‌هشتینه‌ به‌شێ‌ بیانی یێ‌ فلمه‌ فیسته‌ڤالێ‌، به‌لێ‌ نوكه‌ ئه‌ڤ فلمه‌ د قووناغا ڤاڤارتنێ‌ دانه‌ بۆ وێ‌ چه‌ندێ‌ بهێنه‌ وه‌رگرتن و ل ده‌مه‌كێ‌ نێزیك ژمارا فلمێن بیانی ژی یێن پشكدار د فلمه‌ فیسته‌ڤالێ‌ دا دێ‌ هێنه‌ ڕاگه‌هاندن”.

ناڤهاتی ئاماژه‌ دا وێ‌ چه‌ندێ‌ كو ل ده‌مه‌كێ‌ نێزیك ب هه‌ڤكاری دگه‌ل په‌یمانگه‌ها گۆته‌ فلمه‌ فیسته‌ڤالا دهۆك یا نێڤده‌وله‌تی دێ‌ ده‌رگه‌هێ‌ پێشكێشكرنێ‌ بۆ پرۆژێ‌ نوهات یێ‌ ڤه‌ژاندنا شیانێن گه‌نجێن د بیاڤێ‌ سینه‌مایێ‌ دا كاردكه‌ن ڤه‌كه‌ت.

هه‌ژی گۆتنێ‌ یه‌ كو ژڤانه‌ ل رۆژا 1/12/2022 فلمه‌ فیسته‌ڤال ده‌ست ب رۆژانێن خوه‌ بكه‌ت و به‌رده‌وام بیت تا كو رۆژا 8/12/2022 و دهێته‌ چاڤه‌رێكرن فلمێن گه‌له‌ك باش ل سه‌ر ئاستێ كوردستانێ و دیسا جیهانێ دگه‌ل فلمسازێن ب ناڤوده‌نگ پشكدار ببن.

کۆمێنتا تە