حەفت كەس ب توهمەتا دزیێ ل ئاكرێ هاتنە گرتن
ئەڤرۆ
ئەڤرۆ، سەباح زوهێر:
رائید عیماد حسێن، بەرپرسێ راگەهاندنا رێڤەبەریا پۆلیسێن ئاكرێ بۆ رۆژناما ئەڤرۆ دیار كر، پشتی چەندین وەلاتیان سەرەدانا نڤیسینگەها نەهێلانا گونەهباریا یا سیپەی كری و سكالا تۆماركری، كو دزی ژ وان هاتینە كرن، ئێكسەر تیمێن وان دووڤچوونا بابەتی كر و ب زووترین دەم تۆمەتبار هاتنە دەستەسەركرن.
رائید عیماد گۆت: «پشتی دووڤچوونێ تیمێن مە شیان حەفت كەسان دەستەسەر بكەن، كو شەش ژ وان سنێلەنە و دزی د ناڤ تاخێن سەنتەرێ باژێڕێ ئاكرێ دا ئەنجام دابوون و چەندێن كەلوپەل و كەرستێن ئاڤاهیان وەكو (كێبلێن كارەبێ، سپلێت، دەرگەه و پەنجەرێن ئەلەمنیۆم)ی دزیبوون، وان تومەتباران دانپێدان ب تاوانا خوە كریە و ل دووڤ بەندێ 444 و 446 ژ یاسایا سزادانێ هاتینە دەستەسەركرن».
