دهۆك و زاخۆ دێ ل به‌غدا شه‌ڕی بۆ سه‌ركه‌فتنیً كه‌ن
ئه‌ڤرۆ،
پشتی راوه‌ستیانێ بۆ ماوێ 24 رۆژان ژبه‌ر به‌رهه‌ڤیێن هه‌لبژارتیێ ئیراقێ بڕیاره سوبه‌هی پێنچ شه‌مبی هه‌ڤڕكیێن گه‌ڕا شه‌شێ یا خولا پلا نایابا ئیراقێ یا ته‌پا پێی بهێنه ئه‌نجامدان، یانه‌یێن دهۆك و زاخۆ دێ ل ده‌رڤه‌یی یاریگه‌هێن خوه بنه مێڤانێن یانه‌یێن ته‌له‌به و ئه‌لقاسم د دو دیدارێن بهێز دا.
ل رۆژا پێنچ شه‌مبی تیما یانا دهۆك ل یاریگه‌ها ئه‌لمه‌دینه دێ بیته مێڤانا یانا ته‌له‌به یا به‌غدایی د یاریه‌كا پر هه‌ڤڕكی و ئارمانجا هه‌ردو تیمان سه‌ركه‌فتنه، ئه‌لهۆیێن چیا ب نه‌ه خالان رێزا هه‌شتێ دهێت، خودانێن ئه‌ردی ب هه‌مان خال رێزا حه‌فتێ دهێت، ئانكۆ هه‌ردو تیم دێ بزاڤێ كه‌ن بۆ سه‌ركه‌فتنێ پێخه‌مه‌ت پێشڤه‌چوون بۆ رێزێن باشتر، ژبه‌ركو یانه‌یێن رێزا سێیێ هه‌تا شه‌شێ بتنێ جوداهی دو خالن، لێ هه‌ر خوساره‌تیه‌ك دێ پاشڤه‌چوونه‌كا به‌رچاڤ هه‌بیت ژبه‌ركو هه‌تا رێزا 11ێ هه‌تا خاله‌ك هه‌یه، ژ یاریێن دی یێن رۆژا پێنچ شه‌مبی نه‌فت ئه‌لوه‌سه‌ت- دیوانیه، نه‌جه‌ف- نه‌وروز، جه‌ویه- حدود.
ژلایه‌كێ دووڤه ل رۆژا ئه‌ینی تیما یانا زاخۆ دێ ل یاریگه‌ها كه‌ربه‌لا بیته مێڤانا یانا ئه‌لقاسم، كورێن خابووری د نه‌خووشترین ده‌مێ خوه دا ده‌رباز دكه‌ت ئه‌وا نوكه بتنێ سێ خال ژ ئێك سه‌ركه‌فتن و چار خوساره‌تیا ل رێزا 16ێ دهێت، ئه‌ڤ رێزبه‌ندیه بۆ زاخۆیا نه یا ژ هه‌ژی یه و جهێ نه‌رازیبوونێ یه ل ده‌ڤ جه‌ماوه‌رێ مه‌زن یێ یانێ، گوهۆڕینا راهێنه‌ری و راوه‌ستیانا خولێ د به‌رژوه‌ندیا تیمێ دا بوو پێخه‌مه‌ت چاره‌كرنا ئه‌وان كێماسیا، یانا ئه‌لقاسم ب چار خالان رێزا15ێ دهێت، ژ یاریێن دی یێن رۆژا ئه‌ینیێ، هه‌ولێر- شورته، كاره‌با- كه‌رخ، كه‌ربه‌لا- سیناعه، زوورا- نه‌فت.
