دووماهی ژڤان بۆ گرێدانا پیڤەرێ ئاڤێ هاتە دیاركرن
ئەڤرۆ
وەزارەتا باژێڕڤانیێ هۆشداریێ ددەتە وەلاتیان ل دۆر گرێدانا پیڤەرێ ئاڤێ و رێڤەبەرێ گشتیێ ئاڤێ ژی دبێژیت: ژڤانێ داشكاندنا گرێدانا پیڤەری ناهێتە درێژكرن و 21ی هەیڤا نیسانێ دووماهی دەلیڤەیە بۆ وەلاتیان.وەزارەتا باژێڕڤانیێ هۆشداریێ ددەتە وەلاتیان ل دۆر گرێدانا پیڤەرێ ئاڤێ و رێڤەبەرێ گشتیێ ئاڤێ ژی دبێژیت: ژڤانێ داشكاندنا گرێدانا پیڤەری ناهێتە درێژكرن و 21ی هەیڤا نیسانێ دووماهی دەلیڤەیە بۆ وەلاتیان.ئاری ئەحمەد، رێڤەبەرێ گشتیێ ئاڤێ بۆ رۆژناما ئەڤرۆ دیار كر، ب مەرەما هاریكاریا وەلاتیان، وەزارەتا باژێڕڤانی و گەشت و گوزارێ پێشنیار دابوو حوكمەتێ سزایێ گرێ نەدانا پیڤەرێ ئاڤێ بهێتە كێمكرن و وەكی دوماهی دەلیڤە بۆ وان وەلاتیێن هەتا نوكە پیڤەر گرێ نەدای، لەوڕا ژی بڕیار هاتەدان بۆ هەر هەیڤەكێ سزایێ گرێ نەدانا پیڤەری ل سەنتەرێ باژێڕی ژ 80 هزار دیناران بهێتە كێمكرن بۆ 20 هزار دیناران و ل قەزا و ناحیان ژی بۆ ئێك هەیڤ 10 هزار دینار بن.ئاری ئەحمەد گۆت: “ئەڤە دوماهی دەلیڤەیە بۆ وەلاتیان و هەر كەسەكێ هەتا نوكە پێگیر نەبیت ب بڕیارا گرێدانا پیڤەرێ ئاڤێ، دشێت هەتا 21ی هەیڤا نیسانا داهاتی سەرەدانا لایەنێن پەیوەندیدار بكەت و بەروڤاژی دێ سزایێن بەرێ هێنە بجهئینان و پارەیەكێ زۆر ل سەر وەلاتیان كەڤیت و سەرۆكایەتیا جڤاتا وەزیران ژی دوبارە داشكاندنێ درێژ ناكەت، لەوڕا ئەڤە دوماهی دەلیڤەیە و وەلاتی دشێن ژ ڤێ بڕیارا حوكمەتێ مفادار بن”.
