دڤێت یاسایەكا تایبەت بۆ رۆژنامەڤانێن ژن هەبیت
ئەڤرۆ
دلڤین رەشید:
رۆژنامەڤان (ئاهنگ حەبیب) د دیدارەكێ دا بۆ رۆژناما ئەڤرۆ دیاركر كو ئەو خەلكا باژێرێ سلێمانیێ یە، ئەڤە دوازدە سالن د بۆارێ راگەهاندنێ دا كاردكەت و نوكە رێڤەبەرا پشكا گەشەپێدانێ یە ل سازیا كەركووك ناو، كو یا تایبەتە ب وان جهێن ناكوی لێ هەنین و پێكهاتان ڤە.
ناڤهاتێ گۆت: راگەهاندنا كوردی گۆهۆرینەكا باش ب خوە ڤە دیتیە، راستە رۆژنامەڤانیا نڤێسینی ل سەردەمێ خوە رۆلەكی باش هەبوو بەلێ ب دیتنا من هەتا نوكە ژی تاما خۆ یا تایبەت هەیە،چونكی دڤێ بۆارێ دا من پتر كاركریە، لەورا كاتێكرنا خوە هەتا نوكە ژی ل سەر من هەیە ئەز رۆژنامەڤانیا نڤێسنی ب بهایەكێ مەزن دزانم و هەتا كو ئەم بشێن جوداهیێ دناڤبەرا ژنێن و زەلامێن رۆژنامەڤان دا ل هەرێمێ نەهێلین دڤێت یاسایەكا تایبەت ب رۆژنامەڤانێن ژن ڤە هەبیت، هەتا كو مافێ وێ ب تەمامی بهێتە پاراستن، چونكی ل وەلاتێ مە كارێ رۆژنامەڤانیێ یێ بزەحمەتە و بۆ ژنێ دو جاران ب زەحمەترە.
