دەرگەهێ مە بۆ چارەسەركرنا ئاریشەیێن وەلاتیان یێ ڤەكریە
ئاكرێ، سەباح زوهێر:
د. مردان خدر، بەرپرسێ لقێ نەهێ پارتی دیمۆكراتی كوردستان ل ئاكرێ دیار كر، هەردەم دەرگەهێ وان بۆ وەلاتیان دڤەكرینە و چو جوداهیێ د ناڤبەرا وەلاتیان دا ناكەن و دبێژیت: مە دڤێت باشتر خزمەتا وەلاتیێن خوە بكەین.
بەرپرسێ لقێ نەهێ پارتی ل ئاكرێ گۆت: «سنوورێ لقێ نەه هەردو دەڤەرداریێن ئاكرێ و بەردەڕەش ب خوەڤە دگریت و سنوورەكێ بەرفرەهە، لێ ئەم شیاینە هەڤسەنگیەكا باش د ناڤبەرا هەردو دەڤەرداریێن سەر ب لقێ نەهێ پارتی ڤە رابگرین، ئەم گەلەك سەرەدانا دەڤەرداریا بەردەڕەش دكەین و داخوازیێن وەلاتیێن خوە وەردگرین و بزاڤا چارەسەركرنا ئاریشەیێن وان دكەین».
گۆتژی: «دەرگەهێ لقێ هەمی دەما بۆ خەلكی یێ ڤەكریە و ئەم جوداهیێ د ناڤبەرا وەلاتیێن خوە یێن چو دەڤەرداریان دا ناكەین و ب ئەركێ خوە دزانین خزمەتا وان بكەین».
