د.نه‌وزاد صالح سلێڤانه‌ی: بخراببوونا مێلاكێ ئه‌گه‌رێن جودا هه‌نه و دشیاندایه خوه ژێ ب پارێزین
ئه‌ڤرۆ، بێوار شوكری:
ده‌مێ مێلاك هشك دبیت ب چ ره‌نگا نابیت نه‌خوش خوه بترسینت چونكو زێده‌تر ژ 95% ب ده‌رمانا چاره‌سه‌ر دبن یان ناهێلیت خراپتر لێ بهێت، باشترین چاره‌سه‌ری بو هشك نه‌بونا مێلاكا مرۆڤی خوه پاراستنه.
د.نه‌وزاد صالح سلێڤانه‌ی، تایبه‌تمه‌ندێ چاندن و نشته‌رگه‌ریا مێلاك و په‌نكریاس و لوله‌كێن زراڤێ، دیاركر مێلاك گه‌له‌ك كارا ئه‌نجام دده‌ت ژ وان ناهێلیت زه‌رك چێبیت و پروتینا چێدكه‌ت و ناهێلیت خوینبه‌ربون بو مرۆڤی چێبیت، خراب بونا مێلا چه‌ندین ئه‌گه‌ر هه‌نه یا ژ هه‌میا به‌ربه‌لاڤتر ئه‌وه ژ ئه‌گه‌رێ ڤایرۆسی یه و ب رێكا خوینێ و د ناڤبه‌را ژن و مێرا دا دهێته ڤه‌گوهاتسن، و گوت: ڤه‌خارنا زێده یا مه‌شروبی یان ده‌مێ مێلاكا كه‌سه‌كی دوهن ل سه‌ربیت و ماوه‌یه‌كێ درێژ چاره‌سه‌ریا خونه‌كه‌ن، د هنده‌ك حاله‌تێن دكمه‌ن دا ده‌مێ ده‌مارێن مێلاكێ هشك دبن دووڤدا قوناغ قوناغ مێلاك هشك دبیت و خراب دبیت.
تایبه‌تمه‌ندێ نشته‌رگه‌ری و چاندنا مێلاك و به‌نكریاسێ دیاركر ژی هنده‌ك نه‌خۆش دێ هێن و دبێژن ئه‌ز یێ واستیایی و خاڤم و بێهێزم و زه‌رك یا لێ و زكێ وان یێ وه‌رمتی یان ئاف ل زكی هه‌یه و وه‌رمتیه یان ژ نشكه‌كێ ڤه خوینبه‌ربون یا ل گه‌وریێ و مه‌عیده‌یی بو چێبویی، وگوت: هنده‌ك حاله‌تێن كێم هه‌نه دێ سونه‌ره‌كێ بخوه گریت بو نه‌خوشیه‌كا دی دێ دیاربیت وه‌ره‌مه‌ك ل سه‌ر مێلاكا وی هه‌یه و دبیت یا خراب بیت چونكو هنده‌ك جارا هشكبونا مێلاكێ نه‌خۆشی توشی گرێكا ژی دكه‌ت، و گوتژی: چاره‌سه‌ریا ژ هه‌میا باشتر یا هشكبونا مێلاكێ خوه‌پاراستنه ژ ڤایرۆسێ جگه‌ری و مه‌شروبی و به‌رده‌وام چاره‌سه‌ریا خوه بكه‌ت ل ده‌ف نۆشدارێن تایبه‌تمه‌ند.
د.نه‌وزاد صالح زێده‌تر گوت: ئه‌گه‌ر ڤایرۆس هاته د ناف له‌شێ مرۆڤی دا نابیت بێ هیڤی بیت چونكو ل نه‌خوشخانێن مه نوكه ده‌رمانێن چاره‌سه‌ریێ هه‌نه و پتر ژ 95% نه‌خوش چاره‌سه‌ردبن ئه‌گه‌ر هاریكاریا خوه بكه‌ن، و گوتژی: ئه‌و نه‌خوشێن خوه گیرۆ ژی دكه‌ن چاره‌سه‌ریا وان ئه‌م هنده‌ك ده‌رمانا دده‌نێ دا خرابتر لێ نه‌هێن، ئه‌گه‌ر گرێیه‌كا بچۆك ژی هه‌بیت ب رێكا نشته‌رگه‌ریێ پارچه‌كا مێلاكا ولی دێ هێته‌راكرن، ئه‌گه‌ر گه‌شهته‌قوناغا دووماهیێ دێ دێ بو هێته چاندن ژ كه‌سه‌كێ نێزیكی وی.
ل دووماهیێ د.نه‌وزاد صالح، دیاركر ده‌مێ ل مێلاكا نه‌خۆشه‌كێ خوینبه‌ربون چێدبیت و یا بهێزبیت یا ب مه‌ترسی یه چونكو د ئێك خۆله‌ك دا لێتره‌كا خوینا نه‌خوشی دچیت و دێ گیانێ خوه ژ ده‌ست ده‌ت و ناگه‌هیته نه‌خوشخانێ، و گوت: نابیت ب چ ره‌نگا نه‌خوه‌ش خوه پشتگوه بهاڤێژیت چونكو ل ڤان قوناغا خوه چاندن ژی مفایی ناگه‌هینتێ و ره‌نگه كارتێرنێ ل گولچیسكێن وی بكه‌ت و ب راوه‌ستن و دلێ وی ژی لاواز بیت.
