راگه‌هاندن پیشه‌كا وژدانیه و مه‌رج نینه ئه‌كادیمی بیت
دهۆك، هه‌رهین محه‌مه‌د:
خالد شۆشی، په‌یامنێر و پێشكێشكار ل كه‌نالێ كه‌لا ئاكرێ، د دیداره‌كی َدا بۆ رۆژناما ئه‌ڤرۆ دیاركر كو ئه‌ڤه بۆ ده‌مێ چار سالانه ئه‌و هاتیه دناڤ راگه‌هاندنێ و هه‌تا نوكه ل دو كه‌نالێن لۆكال كاریه، ئه‌ڤ كاره حه‌زا وی یا زارۆكینیێ بوو، و ب گۆتنا وی هه‌موو زه‌حمه‌تێن ئه‌و دبه‌ت هه‌ر بۆ وی خوه‌شی نه، چنكو گه‌له‌ك حه‌ز ژ كارێ راگه‌هاندنێ دكه‌ت.
خالدی گۆت: مه‌دیاكارێ سه‌ركه‌فتی ئه‌وه ب و ژدان كار بكه‌ت و هه‌موو بوویه‌ران ب راستگۆیی ڤه گوهێزیت و خوه ماندی بكه‌ت د كاری َخوه دا دا كو خه‌لك یێ ژێ رازی بیت و هه‌كه خه‌لك نه‌یێ ژێ رازی بوو ل وی ده‌می دبیت ئه‌و كه‌سه نه‌شێت به‌رده‌وامیێ ب كارێ خوه بده‌ت، چونكو راگه‌هاندن پیشه‌كا وژدانیه و مه‌رج نینه راگه‌هاندكار ئه‌كادیمی بیت، چونكو د نوكه دا مه گه‌له‌ك میدیاكار هه‌نه و نه ئه‌كادیمی نه، به‌لێ نوكه د ئاسته‌ك و كه‌نالێن باش كاردكه‌ن، هه‌روه‌سا راگه‌هانكارێن گه‌نج بۆ به‌رنیاسبوونێ كاردكه‌ن، ژبه‌ركو ب گشتی ل كوردستانێ هه‌كه تۆ بوویه كه‌سه‌كێ به‌رنیاس ل وی ده‌می دێ شێی گه‌له‌ك تشتێن دی ژی ب ده‌ست خوه ڤه ئینی ژلایێ مادی و مه‌عنه‌وی ڤه.
