رهوونهق سلێمان: مه گهلهك دهرگهه قوتان لێ بهرسڤ نهبوون
دهۆك، شاهۆ فهرید:
رهوونهق سلێمان، رێڤهبهرا كهنال و سهنتهرێ نۆبار یێ گهشهپێدانا رۆژنامهڤانی ل دهۆكێ، د دیدارهكێ دا بۆ رۆژناما ئهڤرۆ گۆت: ئهڤه دو سالن ئهز ههردو كهنالێن نۆبار گشتی و وهرزشی ب رێڤهدبهم، ڤی كاری ب زهحمهت نابینم، چنكو من گهلهك حهز ل سهر ههیه، ههروهسا وهك كچهك ل پارێزگهها دهۆكێ من دڤێت دیاركهم كو ئهم ژی دشیێن وهك زهلامان كهنالان ب رێڤهببهین و كارێ مه دێ بیته دهرگهههك كو گهلهك كچ و ژنێن دی چاڤ ل مه بكهن، چنكو لڤی باژێری ئهو كهسه د مشهنه.
ناڤهاتیێ گۆت: كهنالێ مه گرێدای هونهری و رهوشهنبیریێ یه، من خوه كره رێخۆشكهرهك كو گهلهك كچبَن دی ژی بهێن ل كهنالی كاربكهن و نوكه پتریا ستافێ مه كچن و خودان هزرێن جوانن، لهورا ههردهم وهك تیمهك ئهم پێكڤه كاردكهین و ههكه ئاستهنگ ههبن ژی پێكڤه چاره دكهین، چنكو ههردهم گهنج هێزا كاری بووینه.
ل دووماهیێ گۆت: ڤهكرنا سهنتهری د دهمهكی دا هات كو گهلهك گهنجان حهزا كارێ راگههاننێ ههبوو، لهورا مه دهستپێكر و چهند خۆل هاتینه ڤهكرن و دێ خۆلهكا دی ل دۆرا چاوانیا ب رێڤهبرنا ئیدارهیان بۆ ئافرهتان ڤهكهم و چنكو ئهز كچم دێ هاریكاریا ههر كچ و ژنهكێ كهم كو بهێت ل گهل مه كاربكهت، بۆ زانین بۆ پشتهڤانیكرنێ مه گهلهك دهرگهه قوتان و بهرسڤ نهبووینه.