زێدەتری 70% وەلاتیێن شنگالێ هێشتا ئاوارەنە
ئەڤرۆ
پیردەیان جەعفەر، رێڤەبەرێ كۆچ و كۆچبەران و بەرسڤدانا قەیرانان ل پارێزگەها دهۆكێ دیار كر، چەكدارێن پەكەكێ ل شنگالێ چووینە د ناڤ وەلاتیان دا و ترس بۆ وان كەسان چێبوویە یێن چووینە شنگالێ، لەورا ژی ئاوارە ڤەناگەڕن و هەتا نوكە نێزیكی 300 هزار كەسێن ئاوارە د ناڤ كەمپان و ژ دەرڤەی كەمپان دا ماینە و نەشیاینە ڤەگەڕنە شنگالێ.
پیردەیان جەعفەر بۆ ئاژانسا خانی گۆت: «زێدەتری 100 هزار كەسان چووینە شنگالێ و پتریا وان ژی ئەون یێن ل سەرێ چیایێ شنگالێ ماینە ئاسێ دەمێ تیرۆرستێن داعش هێڕش ل سەر شنگالێ كرین».
