سالا بهێت بهایێ كارتێن مۆبایلان دێ ئهرزان بیت
ههولێر، سولین سلێمان:
پشتی وهزارهتا گههاندنا ئیراقێ د داخویانهكێ دا بهلاڤكری، كو ئهو دێ كار ل سهر كێمكرنا بهایێ كارتێن مۆبایلان كهن و بهایێ وان وهكو بهرێ لێ بهێت، ژ بهركو نوكه بووینه بارگرانی ل سهر وهلاتیان.
ئومێد محهمهد، پهیڤدارێ وهزارهتا ڤهگوهاستن و گههاندنێ ل حوكمهتا ههرێما كوردستانێ بۆ رۆژناما ئهڤرۆ دیار كر، وان نڤیسارهكا فهرمی پێشكێشی حوكمهتا ئیراقێ كریه و تێدا داخواز ژ حوكمهتا ئیراقێ كریه، بهایێ كارتێن مۆبایلان بهێته ئهرزانكرن و حوكمهتا ئیراقێ ژی پشتهڤانی ل وێ داخوازیێ كریه و گۆت: “د دهمێ بۆری دا ژ بهر خرابیا رهوشا ئابووری 10% بهایێ وان كارتان هاتبوو زێدهكرن، لێ د نوكه دا رهوش یا باشه و پێدڤی ناكهت بها ههر ب ڤی شێوهی بلند بمینیت”.
ناڤهاتی ئاماژه ب وێ چهندێ ژی كر كو چاڤهڕێ دهێته كرن، د پڕۆژه یاسایا بودجا گشتی یا ئیراقێ دا بۆ سالا 2023 ئهڤ بڕیاره بهێته بجهئینان و بهایێ كارتێن مۆبایلان بهێته ئهرزانكرن و گۆت: “ههكه بڕیار بهێته بجهئینان، جارهكا دی وهكو بهرێ بهایێ كارتان دێ بیته پێنج هزار دینار و ئهڤ چهنده ژی د بهرژهوهندیا وهلاتیان دایه”.