سه‌ركردێن ناتۆ دێ كۆمبن
ئه‌ڤرۆ:
بریاره ئه‌ڤرۆ ل باژێرێ مه‌درید یێ پایته‌ختێ ئسپانیا سه‌ركردێن وه‌لاتێن ئه‌ندامێن ناتۆ كۆمبن، ده‌زگه‌هێن راگه‌هاندنا ئۆرۆپا دیار دكه‌ن كو دێ د كۆمبوونێ دا به‌حسێ شه‌رێ رۆسیا و ئۆكرانیایێ هێته كرن و دێ وه‌لاتێن ئه‌ندامێن ناتۆ نه‌چار بن كو بریاره‌كا جودا ل هه‌مبه‌ر شه‌رێ نها بده‌ن.
هه‌روه‌سا دهێته چاڤه‌رێكرن كو بابه‌تێ ئه‌ندامه‌تیا فنله‌ندا و سوید بۆ ناڤ رێزێن ناتۆ ژی د كۆمبوونا ڤێجارێ دا بهێته ئێكلاكرن و ژ به‌ر هندێ ژی دوهی سه‌رۆك كۆمارێ توركیا راگه‌هاند كو هه‌كه هه‌ر دو وه‌لات ل دژی په‌كه‌كێ ده‌ست ب هنده‌ك پێنگاڤێن نوو بكه‌ن دێ توركیا ژی هه‌لوه‌ستێ خوه ل هه‌مبه‌ر ئه‌ندامه‌تیا وان گوهۆڕیت.
