سیستەمێ ڤار بۆ وەرزێ بهێت دێ كەڤتە كاری
قەیس وەیس:
ئەندامێ ئێكەتیا تەپا پێی یا ئیراقێ دیار كر بەرهەڤیێن باش دهێنە كرن ژبۆ ب كارئینانا سیستەمێ ڤار بۆ وەرزێ بهێت یێ خولا پلا نایاب و چەند پێنگاڤێن دی هاتینە هاڤێتن پێخەمەت باشترین شێوە كارێ دادڤانان بڕێڤە بچیت
د داخویانیەكێ دا رەحیم لەفتە گۆت: ئەم دگەل لژنا دادڤانان كۆمبووین پێخەمەت دانانا پلان و گەنگەشە بۆ چاوانیا سەركەفتنا كارێ دادڤانی و یاریێن خولێ بۆ وەرزێ بهێت ژوانا پشت بەستن ل سەر سیستەمێ ڤار ئەڤ پێنگاڤە دێ گەلەك هاریكار بیت بۆ پێشئێخستنا وەرزشا ئیراقێ و بەر ب پێشكەفتنێ چیت، لەوما گەنگەشە ل سەر هەر پێدڤیەكا بۆ ئەڤێ سیستەمی ژلایێ كارگێری، رێكخستن و دارایی ژلایێ ئێكەتیا تەپا پێی دێ هێنە دابینكرن و ئەڤ كۆمبوونە دێ د بەردەوامبن و یا دشیان دا بیت دێ بۆ دادڤانان بەرهەڤ كەین.
هەروەسان گۆت: لژنەیا دادڤانان دێ بەرنامەكێ رێكوپێك دانیت هەتا بەری دەستپێكرنا وەرزێ بهێت ژ هەموو لایانڤە یا بەرهەڤبیت و ب هەر شێوەكێ بیت سالا بهێت سیستەمێ ڤار ب دروستی كارێ خوە بكەت.
ژلایەكێ دووڤە ئێكەتیا تەپا پێی یا ئیراقێ راگەهاند ئەوان بەرهەڤی كرینە ژبۆ نووكرنا رێپێدانا ئاسیایی بۆ راهێنەرێن پشكدار د خولێن ئیراقێ دا و بشێوەكێ دی كار دهێتە كرن ژبۆ پلەكرن و ڤاڤارتنا راهێنەرێن یاریا تەپا پێی پێخەمەت پاراستنا ماف و پێدڤیێن هەموو راهێنەران و بشێن د هەلكەفتێن دەرڤە دا ژی بێ بەهر نەبن.
