شهش یانه بهرههڤیان بۆ قارهمانیا پارێزگههێ دكهن
ئهڤرۆ،
چاڤهڕێ دهێته كرن ل چارهشهمبیا بهێت ههڤڕكیێن قارهمانیا پارێزگهها دهۆكێ یا ڤۆلی بۆلێ ب پشكداریا شهش یانهیان ل هۆلا گرتیا یانا سهنحاریب بهێته كرن.
د داخویانیهكێ دا عادل سهدیق سهرۆكێ ئێكهتیا ڤۆلی بۆلا پارێزگهها دهۆكێ بۆ رۆژناما ئهڤرۆ دیاركر ل دووڤ بهرنامێ سالانه یێ ئێكهتیا مه ب ههڤكاری ل گهل نوونهراتیا دهۆك یا لژنا ئۆلمپیا كوردستانێ بڕیاره ل 24ێ ڤێ ههیڤێ ههڤڕكیێن قارهمانیا پارێزگههێ ل سهر ئاستێ كوڕان ب پشكداریا شهش یانهیان بهێته ئهنجامدان ئهو ژی ئامێدیێ، سێمێل، شێخان، لاوێن شنكال، باتیفا و پۆلی تهكنیك كو دێ ل هۆلا گرتیا یانا سهنحاریب ب شێوهیێ كهتنا دوجاركی هێته بڕێڤهبرن.
ناڤهاتی دیاركر یاریا ئێكێ دێ دناڤبهرا شێخان- سێمێل دابیت یا دویێ پۆلیتهكنیك- ئامێدیێ، ههردو یانهیێن باتیفا و پۆلیتهكنیك دێ چاڤهڕێ كربن ل دوو سیستهمێ ههڤڕكیان و گۆت: ئهڤ قارهمانیه ب مهرهما ساخكرنا ڤێ یاریێ یه پشتی دووركهفتنهكا درێژ ژبهر قهیرانا دارایی و كۆرۆنایێ، ههروهسان ببیته باشترین بهرههڤی بۆ یانهیێن مه بهری دهستپێكرنا قارهمانیێن ئیراقێ و كوردستانێ تایبهت ڤاڤارتنێن پلا ئێك یا خولا ئیراقێ.