شوخ رزگار خه‌لاتێ كه‌سایه‌تیا وه‌رزشی یا سالێ‌ ده‌ستڤه‌ ئیناینه‌

شوخ رزگار خه‌لاتێ كه‌سایه‌تیا وه‌رزشی یا سالێ‌ ده‌ستڤه‌ ئیناینه‌

2

ئه‌ڤرۆ، هه‌ولێر، سولین سلێمان

كچا باژێرێ‌ هه‌له‌بچه‌یا شه‌هید شوخ رزگار ئێك ژ یاریزانێن یاریا پایسكلان بۆ ده‌ڤه‌رێن چیایی یه‌ و شیایه‌ د هه‌ڤڕكیێن چیایی دا پلا دویێ‌ ده‌ستڤه‌ بینت و دڤێ‌ سالێ‌ دا وه‌كو ئێكه‌م كه‌سایه‌تیا وه‌رزشی ل سه‌ر سێ‌ كه‌رنه‌ڤالان خه‌لاتێ‌َ سالێ‌ ده‌ستڤه‌ ل سه‌ر ئاستێ‌ كوردستانێ‌ و ئیراقێ‌ ده‌ستڤه‌ ئینایه‌

د دیداره‌كێ‌ دا یاریزانا ناڤهاتی بۆ رۆژناما ئه‌ڤرۆ گۆت: پێخوه‌شخالم وه‌كو یاریزانا كچ خه‌لاتێ‌ كه‌سایه‌تیا كچا وه‌رزش ده‌ستڤه‌ بینم پێنه‌ڤێت ئه‌ڤچه‌نده‌ ژی ژبه‌ر حه‌ز و ڤیانا مه‌ بۆ وه‌رزشێ‌ و رژدی بۆ ناسناڤان، ئه‌ڤ خه‌لاته‌ پێنگاڤه‌كا گرنگه‌ و قۆناغه‌كا دی كو ئه‌ز به‌رده‌وامبم ل سه‌ر وه‌رزشێ‌ و ڤه‌كرنا قاره‌مانی و فێكرنا وه‌رزشێ‌ بۆ كچان و به‌ری ماوه‌یه‌كی قاره‌مانیه‌كا تایبه‌ت ل سه‌ر ئاستێ‌ كوردستانێ‌ بۆ پایسكلڤانێن كچ من ڤه‌كربوو، مه‌ره‌ما مه‌ ژی زێده‌تر یاریزانێن كچ پالده‌ینه‌ ڤێ‌ یاریێ‌ و دیسان مفایێن ته‌ندروستی وه‌ربگرن.

ژلایه‌كێ‌ دووڤه‌ شوخ رزگار گۆت: هه‌روه‌سان ل ده‌ستپێكا ڤێ‌ هه‌یڤێ‌ مه‌ پشكداری قاره‌مانیه‌كا دی كربوو ل ناوچا قوله‌ره‌یسی ل دووڤڤ سیسته‌مێ‌ كرۆسكه‌نتر یێ‌ یاریێن چیایی ئه‌وا ل سه‌ر ئاستێ‌ ئیراقێ‌ هاتبوو كرن و شیام رێزا دویێ‌ بهێم ئه‌وا ب پشكداریا 45 یاریزانێن كچ بوون لێ‌ مخابن ئه‌ڤ رێژه‌ یا كێم بوو تایبه‌ت یێن كوردستانێ‌، له‌وما هیڤییا مه‌ ئه‌وه‌ یاریزانێن كچ خوه‌ ژ ڤێ‌ یاریێ‌ دوور نه‌ئێخن ژبه‌ركو خوه‌شیه‌كه‌ و مفایی د گه‌هینته‌ ته‌ندروستیا مه‌ و هیڤییا مه‌ ئه‌وه‌ حوكمه‌تا هه‌رێمێ‌ ژی پشته‌ڤان بیت.

کۆمێنتا تە