كچێن گاره دێ ههڤڕكیێ بۆ ناسناڤێ ئیراقێ كهن
ئهڤرۆ، شاهۆ فهرید:
د داخویانیهكێ دا سۆلتان عادل راهێنهرێ تیما ڤۆلی بۆلا كچێن یانا گاره دیاركر پشتی ڤهقهتیانا درێژ پلانا یانێ بۆ وهرزێ ئهڤ ساله دووباره پشكداریێ د قارهمانێ دا بكهین ژوانا ڤۆلی بۆل و رژدین بۆ ههڤڕكیێ د قارهمانیا ئیراقێ دا بكهین.
زێدهتر ناڤهاتی بۆ رۆژناما ئهڤرۆ گۆت: پێنگاڤا ئێكێ یا یانا گاره پشتی ڤهقهتیانهكا درێژ ڤهگهڕاندنا ڤۆلی بۆلێ یه، لهورا ژبۆ باشترین بهرههڤی بۆ قارهمانیا ئیراقێ مه پێنچ یاریزانێن كچ ژ ههولێری و سلێمانیێ داخوازكرینه ل گهل چار ژ دهوكێ، ئهو یاریزانێن دهرڤهیی دهوكێ ئیناین خودان ئهزمۆنهكا باشن، سهرباری دهم یێ كێمه نه شیاین هندهك یاریزانێن ناڤخوهیی بهرههڤبكهین و ئارمانجامه ههڤڕكیێ بۆ ناسناڤێ قارهمانێ بیت.
سۆلتان عادلی گۆت: ژ پارێزگهها دهوكێ دو یانه دێ پشكداری ڤێ قارهمانێ بین ئهوژی گاره و سهنحاریب و تیمێن دی خودان سهربۆرن و باشترین یاریزان و ئهنجام ههنه، لێ مه ژی دۆڤچوونهكا باش ل سهر یاریزانێن خوه كرینه سهرباری پشتهڤانی بۆ تیمێ دیار نینه و مه داخواز ژ سهرۆكێ یانێ كریه بۆ بزاڤا بكهن پێخهمهت پشتهڤانیێ ژ لایهنهكی، ژبهركو هیڤی و ئارمانجێن مه دووباره ئهم گیان و هێزا یاریا ڤۆلی بۆلێ ل پارێزگههێ ڤهگهڕینن و دێ ههموو بزاڤا كهم ببمه ئێك ژ كهسێن پالدهر بۆ پێشڤهچوونا ڤێ یاریێ لهورا داخواز ژ لایهنێن بهرپرس و كۆمپانیێن ئههلی پشتهڤانیا ڤێ یاریێ و یانا گاره بكهن و گهشبینم مه یاریزانێن باش ههبن و دێ بنیاتهكێ ئهكادیمی ههبیت ههكهر پشتهڤانی بۆ بهێته كرن.