ل سه‌رانسه‌ری كوردستانێ ئه‌ڤرۆ رێز ل كاره‌ساتا شنگالێ دێ هێته گرتن
ئه‌ڤرۆ، سالار محه‌مه‌د دۆسكی:
به‌رپرسێ ره‌وشه‌نبیری ل ده‌سته‌یا بلند یا بنگه‌هێ لالش بۆ رۆژناما ئه‌ڤرۆ دیار كر، بڕیاره ئه‌ڤرۆ 3/8/2022 ل سه‌رانسه‌ری كوردستانێ و ل ده‌مژمێر 11 سپێدێ رێز ل جینۆسایدا ئێزدیان یا شنگالێ بهێته گرتن و وه‌ك رێزگرتن بۆ شه‌هیدێن ڤێ كاره‌ساتێ پێنج خوله‌كان بێ ده‌نگ راوستین.
شه‌مۆ قاسم، به‌رپرسێ ره‌وشه‌نبیری ل ده‌سته‌یا بلند یا بنگه‌هێ لالش گۆت: “هه‌موو نڤێسینگه‌ه و تایێن بنگه‌هێ لالش هاتینه ئاگه‌هداركرن، كو ئه‌ڤ بیرهاتنه بهێته ساخكرن و هه‌ر ئێك ل گوره‌ی چالاكیێن سنوورێ خوه دێ ڤێ بیرهاتنا دلته‌زین ساخ كه‌تن”.
شه‌مۆ قاسم گۆتژی: “ژڤانه بنگه‌هێ لالش سوبه‌هی 4/8/2022 كۆنگرێ خوه یێ 14 ئه‌نجام بده‌ت و هه‌می به‌رهه‌ڤی بۆ ڤێ چه‌ندێ هاتینه‌كرن و سه‌رۆك و ده‌سته‌یا بلند دێ هێته هه‌لبژارتن، دیسا بنگه‌هێ لالش ل سالا 1993 هاتیه دامه‌زراندن و نه‌ه بنگه‌ه و 28 نڤیسنگه‌ه مه هه‌نه ل گه‌ل دو نوونه‌راتیان ل هه‌ولێرێ و ئه‌لمانیا”.
