ناڤه‌رۆكا رێكه‌تنا ئیماراتێ و ئیسرائیلێ دهێته به‌لاڤكرن
ئه‌ڤرۆ نیوز:
ناڤه‌رۆكا رێكه‌تنا ئاشتیێ یا دناڤبه‌را ئیمارتێ و ئیسرائیلێ دا هاتیه ئیمزاكرن هاته به‌لاڤكرن.
دهی بنیامێن نه‌تانیاهو سه‌رۆك وه‌زیرێ ئیسرائیلێ و عه‌بدولا بن زاید وه‌زیرێ ده‌رڤه‌یێ ئیماراتێ ب چاڤدێریا دونالد تره‌مپ سه‌رۆكێ ئه‌مریكا رێكه‌تنا ئاشتیێ ئیمزاكرن.
لگۆری به‌ندێن رێكه‌تنا ئاشتیێ دناڤبه‌را ئیماراتێ و ئیسرائیلێ دا، هه‌ردو وه‌لات هیڤی حازن دیتنه‌ك بهێته دروستكرن كۆ رۆژهه‌لاتا ناڤین د سه‌قامگیریێ و ئاشتیێ دا بژین، ب ئاوایه‌كی كۆ هه‌موو وه‌لات و گه‌لێن ده‌ڤه‌رێ مفایێ ژێ بینن، په‌یوه‌ندیێن دیپلوماسی و رێزگرتن دناڤبه‌را وان دا دروست بیت، بزاڤ بهێنه دان هه‌ڤكاریا ئێك بكه‌ن په‌یوه‌ندیێن وان ب ته‌ڤایی سروشتی و ئاسایی بن.
هه‌ر د رێكه‌تنێ دا ئیماراتێ و ئیسرائیلێ ته‌ئكید ل ئه‌وێ چه‌ندێ كریه كۆ بتنێ هه‌ماهه‌نگی و هه‌ڤكاریا وه‌لاتێن ده‌ڤه‌رێ دشیێن چاره‌یا هه‌ڤركیان بكه‌ین و شه‌ری چ ئه‌نجامه‌كێ ئه‌رینی نابیت، ئیمارات و ئیسرائل سوزێ دده‌ن دانوستاندنی دناڤبه‌را ئایین و كلتورێن جودا بهێز بكه‌ن، ب مه‌به‌ستا دابینكرنا ره‌وشه‌نبیریا ئاشتیێ دناڤبه‌را هه‌ر سێ ئاینێن ئیسلامێ و مه‌سیحی و جهیان و مرۆڤایه‌تیێ بگشتی، رێگرتن ژ به‌لاڤ بوونا هزرێن توند و تیرۆرێ ل رۆژهه‌لاتا ناڤین، خاله‌كا دیا ریكه‌تنا ئیماراتێ و ئیسرائیلێ یه.
