نڤیسه‌ره‌كێ ده‌ڤه‌را بارزان پتری 132 به‌رهه‌مێن چاپكری هه‌نه
بارزان، ره‌مه‌زان زه‌كه‌ریا:
نڤیسه‌ره‌كێ ده‌ڤه‌را بارزان كو خودانێ 132 به‌رهه‌مێن چاپكریه ل سه‌ر جینۆساید و ئه‌نفالا كوردستانێ، ژبلی هاریكاریا چاپكرنا به‌رهه‌مێن قوتابیێن په‌یمانگه‌ه و زانكۆیێن كوردستانێ دكه‌ت ل ده‌مێ چێكرنا ڤه‌كۆلینێن وان.
رێبوار ره‌مه‌زان، د دیداره‌كێ دا بۆ رۆژناما ئه‌ڤرۆ گۆت: ده‌مێ وان سالێن من ده‌ست ب نڤیسنێ كری به‌هرا پتر ئه‌و به‌رهه‌مێن من چاپكری ل سه‌ر ئه‌نفال و جینۆسایدا گه‌لێ كوردستانێ بوونه و ب به‌لگه من ڤیایه وان تاوانێن ده‌رهه‌قی ملله‌تێ كورد هاتینه كرن نیشا جیهانێ بده‌م، و هه‌تا نوكه من 132 به‌رهه‌مێن چاپكری هه‌نه و هژماره‌كا به‌رهه‌مان ژی بۆ چاپێ د به‌رهه‌ڤن، ئه‌و روودانێن بسه‌ر بارزانیان و گه‌لێ كورد هاتین ل سه‌ر ده‌ستێ رژێما به‌عس.
هه‌روه‌سا گۆت: ژبلی زمانێ كوردی ئه‌و به‌رهه‌مێن من چاپكرین ب هژماره‌كا زمانێن بیانی ژی هاتینه چاپكرن دا خه‌لكه‌كێ دی ژی مفای ژێ بینین و ئه‌و كاره‌ساتێن ب سه‌رێ كوردان هاتین بزانن، نوكه
به‌رده‌وام قوتابیێن په‌یمانگه‌ه و زانكۆیا سه‌ره‌دانا من دكه‌ن بۆ وه‌رگرتنا پێزانینا ل سه‌ر ئه‌نفال و جینۆسایدا گه‌لێ كوردستانێ هاریكاریا وان دكه‌م و هه‌ر قوتابیه‌كێ پێدڤی ب به‌رهه‌مێن من هه‌بیت دێ پێشكه‌ش كه‌م و من مالپه‌ره‌ك دانایه ب ناڤێ https://rbarzani.wixsite.com/barzani/contect كۆ هه‌موو به‌رهه‌مێن خۆ من دناڤ دا به‌لاڤ كرینه هه‌ر كه‌سه‌كێ بخوازیت دێ شێت به‌رهه‌ما بۆ خۆ داونلۆد كه‌ت و بێ به‌رامبه‌ر خوینیت.
