نێزیكی هزار ژمارێن ترۆمبێلان ژبه‌ركرینه
دهۆك، زنار تۆڤی:
حه‌جی حه‌سه‌ن سلێمان، خه‌لكێ گوندێ گیزێ یه ل ده‌ڤه‌را به‌رێ گاره‌یی و نوكه ل باژێرێ دهۆكێ دژیت، د دیداره‌كێ دا بۆ رۆژناما ئه‌ڤرۆ دیاركر كو ل سالێن نۆتان مالا وان ل ناحیا باتێلێ بوو، ل وی ده‌می وی حه‌زه‌كا تایبه‌ت بۆ ژبه‌ركرنا ژمارێن ترۆمبێلان هه‌بوو، له‌ورا ئه‌و به‌رده‌وام دناڤ شۆفێرێن ترۆمبێلێن بارهه‌لگر دابوو، وی ژمارێن ترۆمبێلان ژبه دكرن، ل گه‌ل ناڤێن شۆفێران و ره‌نگێ ترۆمبێلان ژی، ده‌مێ وی ژ دوورڤه ئه‌و ترۆمبێله د دیتن، ژمارێن وان دزانین و ناڤێ شۆفێرێن وان ژی دزانی، وی پتری هزار ژمارێن ترۆمبێلێن بارهه‌لگر ژبه‌ركربوون، نوكه هه‌موو ماینه ل بیرا وی، هه‌روه‌سا پتری سه‌د ژمارێن مۆبایلان ژی ژبه‌ركرینه.
ناڤهاتی گۆت: ل قۆتابخانێ ئه‌ز گه‌له‌كێ زیره‌ك بوو، لێ ژبه‌ر ده‌ستكورتیا بارێ ژیانێ ئه‌ز نه‌شیام خواندنا خوه ب دووماهی بینم،
پشتی من ده‌ست ژ خواندنێ به‌ردای، من حه‌ز دكر ببمه پۆلیس، لێ سه‌را سه‌نتیمه‌كێ نه‌هاتمه وه‌رگرتن و نوكه ب شانازی ڤه پێشمه‌رگه‌مه.
