وه‌رزشڤانێن ئاكرێ، شێخان و كه‌له‌كچی بۆچوونێن جودا ل سه‌ر مۆندیالێ هه‌نه
راپۆرت: ره‌مه‌زان زه‌كه‌ریا
بۆ ماوێ چار رۆژه موندیالا قه‌ته‌ر به‌رده‌وامه ئه‌وا بڕیاره هه‌تا 18ێ هه‌یڤا بهێت ڤه‌كێشیت كو 32 هه‌لبژارتیێن جیهانێ پشكدار ژوانا هه‌ڤڕكن بۆ ناسناڤی، ل دۆر هه‌ڤڕكیان وه‌رزشڤانێن باژێرێ ئاكرێ بڤی ره‌نگی بۆچوونێن خوه بۆ رۆژناما ئه‌ڤرۆ دیاركرن.
ل ده‌ستپێكێ سوهه‌یب عه‌لی وه‌رزشڤانێ ده‌ڤه‌را ئاكرێ گۆت: مۆندیاله‌كا جودایه ئێكه‌م مۆندیاله ل ڤی ده‌می دهێته‌كرن، چانسێ هه‌لبژارتیێن ئه‌مریكا باشۆر زێده‌تره ژبه‌ركو كه‌ش و هه‌وایێ وان ل گه‌ل یێ كه‌نداڤی د گۆنجیت، هه‌لبژارتیێن به‌رازیل و ئه‌رجه‌نتین چانسێ باش هه‌یه، هه‌بوونا موندیالێ ل كه‌نداڤی گرنگیاوێ بۆ ده‌ڤه‌رێ ئه‌م دشێین بێژین چه‌ند رۆژه‌كێن زێرینن ئه‌و گله و گازنده‌یێن هه‌لبژارتیێن نه موسولمانن چونكی هنده‌كار قه‌ده‌غه‌كرینه دگه‌ل داب و نه‌ریتێن موسولمانان ناگونجن.
ژلایێ خوه‌ڤه مه‌هدی سالح وه‌رزشڤانه‌كێ ده‌ڤه‌را شێخانه گۆت: مۆندیالا ئه‌ڤساله ل وه‌لاته‌كێ عه‌ره‌بیه و كیشوه‌رێ ئاسیایه پیشكه‌فتنه‌كا تایبه‌ت هه‌یه بۆ جارا ئێكێ یه دهێته‌كرن، د دیرۆكا مۆندیالێ دا دێ بێته ئێكه‌م قاره‌مانی ژلایێ یاسایێن وه‌رزشێ ڤه و دیزایین و ره‌نگڤه‌دان و ئاسایش كو ئه‌ڤه مه‌رجێن فیفا بوون كو یاسایێن خراب نه‌مینن ئه‌ڤه كاره‌ك گه‌له‌ك باشه، ئه‌و هه‌لبژارتیێن كو سه‌ر نه‌كه‌فتی، رۆژهه‌لاتا ناڤین دێ مفادار بیت ژ مۆندیالا قه‌ته‌ر وه‌ك یاسایێن تایبه‌ت ب وه‌رزشێڤه ل گۆر ئاخفتنا وان كه‌سێن ب هویری چاڤدێریا وه‌رزشێ دكه‌ن دێ مۆندیالا قه‌ته‌ر بیته باشترین مۆندیال د دیرۆكا مۆندیالێ دا، هنده‌ك شاندێن كوردستانێ پشكداربوونه ل مۆندیالا قه‌ته‌ر دێ ئه‌ڤ چه‌نده بیته ئه‌گه‌ر هنده‌ك پێزانین باشتر بگه‌هینن وه‌رزشا كوردستانێ.
ژلایێ خوه‌ڤه بارزان وه‌عدوللا وه‌رزشڤانه‌كێ ده‌ڤه‌را كه‌له‌كچیه بۆ ئه‌ڤرۆ گۆت: مۆندیالا ئه‌ڤساله دێ یا زێده بیت ژ سوپرایز و تشتێ نه‌چاڤه‌رێكری كو بۆ جارا ئێكێه ل وه‌لاته‌كێ عه‌ره‌بی دهێته كرن، دبینم كو چانسێ ئه‌رجه‌نتین و فه‌ره‌نسا پتره ژ یێن هه‌لبژارتیێن د بۆ ناسناڤی.
