پله بهرزكرنا 220 یاریزانێن كیك بۆكسینگێ هاتنه پهسهندكرن
ئهڤرۆ،
ب فهرمی نێزیكی 220 یاریزانێن یانه و هۆلێن وهرزشی پله بهرزكرنا كهمهرێن رهنگی یا یاریا كیك بۆكسینگێ ژلایێ ئێكهتیا ئیراقێ و پارێزگههێ ڤه هاتنه پهسهندكرن ئهوا بۆ ماوێ پێنچ رۆژا ب پشكداریا یاریزانێن پێنچ یانه و سێ هۆلێن وهرزشی ل پارێزگههێ هاتینه ئهنجامدان.
لدۆر ڤێ یهكێ مهحفۆز ئیبراهیم سهرۆكێ ئێكهتیا كیك بۆكسینگا پارێزگهها دهۆكێ بۆ رۆژناما ئهڤرۆ گۆت: ل دووڤ بهرنامێ سالانه یێ ئێكهتیا مه و ژبۆ بلندكرنا ئاست و پلهیێن یاریزانێن مه سهر ئاستێ كوڕان و كچان تاقیكرنێن كهمهرێن رهنگین یێن دهستویردانا یاریان هاتنه كرن كو تێدا نێزیكی 220 یاریزانێن یانێن دهۆك، زاخۆ، ئامێدیێ، تهناهی و زانكۆیا پۆلیتهكنیك و هۆلێن كوردستان سپۆرت، سێمێل و فهیدیێ كو ژلایێ لژنهكا تایبهت یا پسپۆر ژ ئێكهتیێن كیك بۆكسینگا ئیراقێ و پارێزگهها دهۆكی و ژلایێ وانهبێژێ شارهزا و راهێنهرێ نێڤدهولهتی سالح كهكو وهكو سهرپهرست و چاڤدێریا نوونهراتیا دهۆك یا لژنا ئۆلمپیا كوردستانێ ڤه دهاته بڕێڤهبرن.
ههروهسا ناڤهاتی دیاركر بڕیاره ل 13ێ ڤێ ههیڤێ قارهمانیا پارێزگهها دهۆكێ بۆ ههموو یانه و هۆلێن وهرزشی ل باژێرێ ئامێدیێ بۆ سهر ئاستێ لاوان، تازهپێگههشتی و پشكۆژان بهێته ئهنجامدان و مهرهم پێ زێدهتر مفایی ژ تاقیكرنێن خوه یێن كهمهران ببینن و دیسان ببیته باشترین بهرههڤی بۆ قارهمانیێن ئیراقێ و كوردستانێ.
ژلایێ خوهڤه سالح كهكو ب ههبوونا رێژهكا مهزن یا یاریزانان ب گهشبینی دیاركر و گۆت: بۆ جارا ئێكێ یه پشتی چهندین سالان ئهڤ رێژا مهزن یا یاریزانێن پارێزگههێ پشكداری تاقیكرن و پلهبهرزكرنا كهمهران بن و ئهڤچهنده ژی وێ یهكێ دگههینت كو ئهو پلان و بهرنامه یێن پێشڤهچوونا ڤێ یاریێ بهر ب ئاستهكێ باشتر دچیت و پووتهدانهكا باش بۆ دهێته كرن بتنێ پشتهڤانیا مادی پێدڤی یه.