په‌رله‌مان دێ دووڤچوونا فرۆتنا گۆشتێ به‌رازی كه‌ت

په‌رله‌مان دێ دووڤچوونا فرۆتنا گۆشتێ به‌رازی كه‌ت

هه‌ولێر، قائید میرۆ:

لژنا ساخله‌میێ‌ ل په‌رله‌مانێ كوردستانێ دێ دووڤچوونا فرۆتنا گۆشتێ به‌رازی و گوهدرێژی ل بازاڕێن هه‌رێما كوردستانێ كه‌ت و ئه‌نجام ژی بۆ په‌رله‌مانێ كوردستانێ دێ هێنه‌ ئاشكراكرن و زانیاریێن دروست ژی دێ هێنه‌ كۆم كرن.

لژنا ساخله‌میێ‌ ل په‌رله‌مانێ كوردستانێ دوهی 1/8/2022 كۆمبوو، تێدا چه‌ند بابه‌ت هاتنه‌ به‌حسكرن، ل گوره‌ی ئه‌نجامێن كۆمبوونێ كو وێنه‌یه‌ك گه‌هشتیه‌ رۆژناما ئه‌ڤرۆ تێدا هاتیه‌: ” كۆمبوونا لژنا ساخله‌میێ ل دۆر چه‌ندین بابه‌تێن گرنگ بوویه‌، ژ وان ژی فرۆتنا گۆشتێ به‌رازی و گوهدرێژی د ناڤ بازاڕێن هه‌رێما كوردستانێ دا، به‌ری نوكه‌ زانیاری هاتینه‌ به‌لاڤكرن ل دۆر فرۆتنا ئه‌ڤان جۆرێن گۆشتی بناڤێ گۆشتێ ناڤخوه‌”.

لژنا ساخله‌میێ‌ خویا ژی كریه‌ كو ژ لایێ ئه‌ندامێ لژنێ به‌ختیار شوكری دووڤچوون بۆ بابه‌تێ فرۆتنا گۆشتێ به‌رازی و گوهدرێژی دهێته‌ كرن و هێشتا ژی دووڤچوون د به‌رده‌وامن، هه‌رده‌مێ گه‌هشته‌ قۆناغا دووماهیێ په‌رله‌مان دێ هێته‌ ئاگه‌هداركرن، ب تایبه‌تی ئه‌و گۆشت بناڤێ گۆشتێ‌ په‌زی دهێته‌ فرۆتن وه‌كی هاتیه‌ به‌لاڤكرن، هه‌روه‌سا لژنه‌ دێ زانیاریێن هوور ل دۆر ئه‌ڤی بابه‌تی كۆم كه‌ت.

کۆمێنتا تە