پێشینەیا چاڤدێریا جڤاكی ل گۆرەی پیڤەرێن نوو دێ‌ هێتە بەلاڤكرن

پێشینەیا چاڤدێریا جڤاكی ل گۆرەی پیڤەرێن نوو دێ‌ هێتە بەلاڤكرن

12

ئەڤرۆ

هەولێر، قائید میرۆ:

پەیڤدارێ وەزارەتا كار و كاروبارێن جڤاكی دیار كر، هەتا نوكە چو بڕیار بۆ بەلاڤكرنا پێشینەیا هەیڤانە یا چاڤدێریا جڤاكی نەهاتینە دان و دبێژیت: نوكە وەزارەت مژوولی پێداچوونێیە و پیڤەرێن نوو بۆ مفاداربوون ژ پێشینەیا هەیڤانە دێ هێنە دیاركرن.
ئاریان ئەحمەد، پەیڤدارێ وەزارەتا كار و كاروبارێن جڤاكی یا حوكمەتا هەرێما كوردستانێ‌ بۆ رۆژناما ئەڤرۆ دیار كر، پێشینەیا هەیڤانە یا چاڤدێریا جڤاكی پشتی هاتنا قەیرانا دارایی، ژ سالا 2015 وەرە هاتیە راگرتن و گۆت: «نوكە وەزارەتا كار و كاروبارێن جڤاكی ل گەل رێكخراوەكا بیانی مژوولی پێداچوونێیە بۆ ڤێ چەندێ شێوازەكێ نوو بهێتە ڤەدیتن و پێشینە ل سەر پیڤەرێن پێدڤی بهێتە بەلاڤكرن».
ئاریان ئەحمەد گۆتژی: «ب مەرەما دوبارە بەلاڤكرنا پێشینەیا چاڤدێریا جڤاكی پێدڤی ب بڕیارا سەرۆكایەتیا جڤاتا وەزیران و وەزارەتا دارایی هەیە، پرۆسا پێداچوونێ ب ئەگەرێ هاتنا ڤایرۆسێ‌ كۆرۆنایێ گیرۆ بوویە و نوكە كار ل سەر دهێتە كرن، هەردەمێ رەوشا دارایی باش بیت، دوبارە دەست ب بەلاڤكرنا پێشینەیا چاڤدێریا جڤاكی دێ هێتە كرن».

کۆمێنتا تە