پەڕلەمان ئەڤرۆ ل دۆر كاراكرنا جڤاتا كۆمیسیاران دێ كۆم بیت
ئەڤرۆ
بڕیارە ئەڤرۆ 22/5/2023 پەڕلەمانێ كوردستانێ ل دۆر سێ تەوەران كۆم ببیت، كو ئێك ژ وان كاراكرنا جڤاتا كۆمیسیارانە بۆ دەمێ پێنج سالان.
دەستەیا سەرۆكایەتیا پەرلەمانێ كوردستانێ، د بەیاننامەكێ دا، كو ئاراستەی هەموو ئەندامێن پەرلەمانی كریە، تێدا خویا كریە، خالەكا دی بۆ ڕوونشتنا ئەڤرۆ بهێتە زێدەكرن، ئەو ژی كاراكرنا جڤاتا كۆمیسیارانە بۆ دەمێ پێنج سالێن دی.
بەری نوكە پەرلەمانێ كوردستانێ بەرنامەیێ كارێ روونشتنا ئەڤرۆ بەلاڤكربوو، كو دو خال ب خوەڤە دگرتن، لێ ل سەر داخوازا فراكسیۆنا پارتی ل پەرلەمانێ كوردستانێ، خالا سێیێ بۆ بەرنامەیێ كارێ روونشتنا ئەڤرۆ هاتە زێدەكرن، كو ئەو ژی، دەنگدانە ل سەر كاراكرنا جڤاتا كۆمیسیاران بۆ دەمێ پێنج سالێن دی.
