ئه‌ردۆغان دێ ده‌ست ب قۆناغا ئاشتیێ كه‌ت

ئه‌ردۆغان دێ ده‌ست ب قۆناغا ئاشتیێ كه‌ت

12

ب، سه‌رجان مه‌حمود:

ئایهان بیلگه‌ن سه‌رۆكێ پارتا ده‌نگێ توركیا و سه‌رۆكێ به‌رێ یێ باژێرڤانیا باژێرێ قه‌رس یێ باكورێ كوردستانێ د داخۆیانیه‌كێ دا راگه‌هاند كو ئه‌ردۆغانێ سه‌رۆك كۆمارێ توركیا به‌رهه‌ڤیان دكه‌ت دا كو بۆ چاره‌سه‌ر‌كرنا پرسا كوردی قۆناغه‌كا نوو یا ئاشتیێ ده‌ستپێ بكه‌ت و گۆت: (نها ئه‌ردۆغان هه‌ول دده‌ت ده‌وله‌ت باخچه‌لی سه‌رۆكێ پارتا بزاڤا نه‌ته‌وه‌په‌ر‌ست یا هه‌ڤپه‌یمانا ده‌ستهه‌لاتێ ژی رازی بكه‌ت دا كو كار بۆ چاره‌سه‌ر‌كرنا پرسا كوردی بكه‌ن و د هه‌مان ده‌می دا وه‌سا خوه‌یا دبیت ئه‌ردۆغانی دڤێت ئۆجه‌لان ژی د ناڤ قۆناغا ئاشتیێ دا جه‌ بگریت).

ناڤهاتی هه‌روه‌سا راگه‌هاند ژی كو توركیا به‌ر ب قۆناغا هه‌لبژارتنان ڤه‌ دچیت و بێی ده‌نگێ كوردان ئانكۆ بێی پشته‌ڤانیا ده‌نگده‌رێن كورد هه‌ر دو هه‌ڤپه‌یمانیا ملله‌ت و جمهور نه‌شێن سه‌ركه‌ڤتی بن و گۆت: (هه‌كه‌ ئۆپۆزسیۆن وه‌ك به‌ری نها دیسان ب دژواری ل دژی قۆناغا ئاشتیێ ده‌ركه‌ڤیت نه‌شێت د هه‌لبژارتنان دا سه‌ركه‌ڤتنێ بده‌ستڤه‌ بینیت و دڤێت ئالیێن ئۆپۆزسیۆنێ بۆ به‌رژه‌وه‌ندیا توركیا ب ره‌نگه‌كێ‌ ئه‌رێنی نێزیكی قۆناغا ئاشتیێ ببن).

کۆمێنتا تە