ئه‌مریكا بارێ نه‌ئاسایی یێ تایبه‌ت ب ئیراقێ و سووریێ ڤه‌ درێژ دكه‌ت

ئه‌مریكا بارێ نه‌ئاسایی یێ تایبه‌ت ب ئیراقێ و سووریێ ڤه‌ درێژ دكه‌ت

9

سه‌رۆكێ ئه‌مریكا، جۆن بایدن بارێ نه‌ئاسیی یێ نیشتمانی یێ تایبه‌ت ب ئیراقێ و سووریێ ڤه‌ بۆ ده‌مێ ساله‌كێ درێژكر.

كۆچكا سپی یا ئه‌مریكی د به‌یاننامه‌كێ دا ئاشكراكر، سه‌رۆكێ ئه‌مریكا، جۆن بایدن، ب پشت به‌ستن ب فه‌رمانه‌كا بجهئینانێ كو ل سالا 2003 ێ هاتیه‌ ده‌ركرن، بریاردا بارێ نه‌ئاسایی یێ نیشتمانی یێ تایبه‌ت ب ئیراقێ ڤه‌ بۆ ده‌مێ ساله‌كێ بهێته‌ درێژكرن كو ل 22 ڤێ هه‌یڤێ دا ب دووماهی هێت، هه‌ر د وێ به‌یانناما كۆچكا سپی دا هاتیه‌، بایدن بارێ نه‌ئاسایی یێ نیشتمانی، تایبه‌ت ب سووریێ ژی ڤه‌ كو ده‌مێ ساله‌كێ درێژكر كو ل سالا 2004 هاتبوو راگه‌هاندن و ل 11 ڤێ هه‌یڤێ دا ب دووماهی هێت.

سه‌رۆكێ ئه‌مریكی راگه‌هاند، ئه‌مریكا جاره‌كادی دێ چاڤه‌رێی وان گوهۆرین و پێشهاتێن سیاسی بیت كو ژ ئالیێ سووریێ ڤه‌ دێ هێنه‌ ئه‌نجامدان بۆ به‌رهنگاریا وان گه‌فێن دژی ئه‌مریكا دبن، وی ده‌می ئه‌مریكا دێ بریارێ ده‌ت و دووماهیێ ب وێ حاله‌تا بارێ نه‌ ئاسایی ئینیت، یان به‌رده‌وام بیت.

کۆمێنتا تە