ئیران ژ هه‌لوه‌ستێ چینێ دلگرانه‌

ئیران ژ هه‌لوه‌ستێ چینێ دلگرانه‌

2

ئه‌ڤرۆ:

به‌رپرسه‌كێ وه‌زاره‌تا په‌ترۆلێ یا ئیرانێ راگه‌هاند كو بابه‌تێ سزادانا رۆسیا ژ ئالیێ ئه‌مریكا و هنده‌ك ژ وه‌لاتێن ئێكه‌تیا ئۆرۆپا بوویه‌ ئه‌گه‌رێ هندێ كو چین ئێدی په‌ترۆلێ ژ ئیرانێ نه‌كڕیت و نها چین په‌ترۆلا رۆسیا دكڕیت و ئه‌و یه‌ك ژی دێ كارتێكرنا خوه‌ ل ره‌وشا ئابووری یا ئیرانێ كه‌ت.

هه‌مان به‌رپرسی ئه‌و یه‌ك ژی دیار كریه‌ كو ئه‌و چاڤه‌رێ هندێ بوون ژ به‌ر شه‌رێ رۆسیا و ئۆكرانیایێ بازارا په‌ترۆلا ئیرانێ گه‌له‌ك باشتر لێ بهێت و گه‌له‌ك وه‌لات په‌ترۆلێ ژ ئیرانێ بكڕن، لێ مخابن نها ره‌وش خرابتر لێ هاتیه‌ و چین ژی ب جهێ كو په‌ترۆلا ئیرانێ بكڕیت نها به‌رێ خوه‌ دایه‌ رۆسیا و ژ به‌ر هندێ ژی ره‌وشا ئابووری یا ئیرانێ خرابتر لێ هاتیه‌.

ئه‌و یه‌ك د ده‌مه‌كێ دایه‌ كو چه‌ند رۆژن بهایێ دۆلارێ ئه‌مریكا و پارێن دی ل ئیرانێ گرانتر لێ هاتیه‌ و هه‌روه‌سا بهایێ نانی و پێدڤیاتێن دی یێن رۆژانه‌ ژی گه‌له‌ك گران بووینه‌ و خه‌لك ژی نه‌رازیبوونا خوه‌ ل هه‌مبه‌ر ره‌وشا نها دیار دكه‌ن و چاڤدێرێن سیاسی ژی دیار دكه‌ن هه‌كه‌ ده‌وله‌تێ چو پرۆژه‌ بۆ چاره‌سه‌ركرنا ره‌وشا نها نه‌بیت ره‌نگه‌  وه‌لاتی ل هه‌مبه‌ر ره‌وشا خراب یا ئابووریێ ده‌ست ب خوه‌نیشادانان بكه‌ن.

کۆمێنتا تە