ئەلمانیا داخوازەکێ ژ ئیرانێ دکەت
وەزارەتا دەرڤە یا ئەلمانیا راگەهاند کو ئالۆزیێن نها د ناڤبەرا ئسرائیلێ ل گەل حەماس و حزبوللا لوبنانێ دێ کاریگەریا خوە یا خراب یا رۆژهەلاتا ناڤین کەت و هەکە شەڕ و ئالۆزیێن نها د بەردەوام بن دێ کاریگەریا خوە ل وەلاتێن جیهانێ ژی کەت و ژ بەر ڤێ یەکێ دڤێت ئالۆزیێن نها ب دووماهی بهێن.
وەزارەتا دەرڤە یا ئەلمانیا داخواز ژ ئیرانێ کر کو ب رۆلێ خوە رابیت و نەهێلیت ئالۆزیێن ل گەل ئسرائیلێ زێدەتر لێ بهێن، چونکی ئەو یەک دێ بیتە ئەگەرێ شەڕەکێ نوو و گران ل دەڤەرێ، ژ بەر ڤێ یەکێ ژی دڤێت ئیران رێگریێ ل ئالۆزیێن نها بکەت.
وەزارەتا دەرڤە یا ئەلمانیا ئەو یەک ژی دیار کریە، شەڕێ نها د بەرژەوەندیا چو ئالیەکێ دا نینە و مخابن ژ بەر شەڕێ هەتا نها ب هزاران وەلاتیێن سڤیل بووینە قوربانی و داخواز ژ ئیرانێ دکەین رۆلەکا کاریگەر بۆ ب دووماهی ئینانا شەڕێ نها بگێریت.
