ئەو جۆتیار و هەنگەڤانێن پشكداری د فێستیڤالا تری و هنگڤینی دا كری هاتنە خەلاتـكرن
زنار تۆڤی:
رێڤەبەرێ گشتییێ چاندنێ ل پارێزگەها دهۆكێ بۆ ئەڤرۆ دیار كر، ئەو جۆتیار و هەنگەڤانێن پشكداری د هەڤدەمین فێستیڤالا تری و هنگیڤینی دا ل دهۆكێ كری، ب خەلاتێ رێزگرتنێ هاتنە خەلاتكرن و پاداشتێن پارێزگارێ دهۆكێ ل سەر وان هاتنە بەلاڤكرن.
ئەحمەد جەمیل، رێڤەبەرێ گشتییێ چاندنێ ل پارێزگەها دهۆكێ دەست خوشی و سوپاسیا جۆتیار و هەنگەڤانێن پشكدار كر و بەحسێ ئارمانج و گرنگیا فێستیڤالێ بۆ وان كر و گۆت: «ئەڤ فێستیڤالە بوویە ئەگەر پتر بازار بۆ بەرهەمێ ناڤخۆ یێ تری و هنگڤینی پەیدا ببیت و بەرهەمێ جۆتیاران زێدەتر بهێتە نیشادان».
دهێتە زانین ب چاڤدێری و ئامادەبوونا پارێزگارێ دهۆكێ فێستیڤالا تری و هنگڤینی ل ١١ی ئیلۆنێ ب پشكداریا ٢٢ جۆتیار و ٢٣ هەنگەڤانان ل فاملی مۆل ل دهۆكێ هاتبوو سازكرن.
