ئەڤرۆ ئارسنال و پاریس د گرنگترین یاریێن ئەڤرۆ یێن چامپیۆنزێ دا
چاڤەڕێ دهێتە كرن ئەڤرۆ ل دانێ شەڤێ نەهـ یاری ژ چارچووڤەیێ یاریێن گەڕا دویێ یا قارەمانییا یانەیێن ئۆرۆپا قارەمانێن خولا ل یاریگەهێن جودا بهێنە ئەنجامدان، ئەوا د بیتە چارا ئێكێ د دیرۆكا قارەمانیێن ئۆرۆپا دا كو ب شێواز و سیستەمێ نوو بهێتە كرن، تێدا 36 یانە پشكدارن و ئەنجامدانا یارییان ل دووڤ ئاست و پلەكرنێ هاتینە بەلاڤكرن كو شێوازێ خول ئێك یاری، ئەو یاریێن ئەڤ شەڤە دهێنە كرن بڤی شێوەی نە.
ل دەمژمێر 7:45 شەڤ دو یاری دێ هێنە كرن.
رید بۆل سالزبۆرگ(نەمسا)- ستاد برێست(فرەنسا).
شتۆتگارد(ئەلمانیا)- سپارتا براگ(چیك).
یاریێن دەمژمێر 10ی شەڤ.
سلۆڤان براتیسلاڤا(سلۆڤاكیا)- مانچستەر ستی(ئنگلتەرا).
ئینتەر میلان(ئیتالیا)- سرڤینیا زڤیزدا(سربیا).
بۆرۆسیا دۆرتمۆند(ئەلمانیا)- سێلتیك ( ئیسكۆتلەندا)
بەرشەلۆنا( ئسپانیا)- یۆنگ بۆیز(سویسرا).
بایرن لیڤەكۆزن( ئەلمانیا)- ئەی سی میلان( ئیتالیا).
ئارسنال(ئنگلتەرا)- پاریس سانجێرمان(فرەنسا).
ئایندهۆڤن(هۆلەندا)- سپۆرتینگ لەشبۆنە(پۆرتۆگال).
لیستەیا گشتی بۆ هەر 36 یانەیان هاتیە دانان
هەر 36 یانەیێن پشكدار ل سەر چار ئاستێن جودا و دووڤ پلەكرنا وەرزێ بۆری هاتبوونە بەلاڤكرن ئەوا پۆلینكرن ژلایێ فیدراسیۆنا فوتبۆلا ئۆرۆپا هاتیە دانان، یاریێن وان ب شێوەیێ خول ئێك قۆناغ بیت، هەر تیمەك دێ هەشت یارییان كەت، چار یاری د ناڤ ئەردێ خوە دا و چار ژ دەرڤەیی یاریگەهێ، ل دووماهیێ دێ رێزبەندی بۆ هەر36 تیمان د ئێك لیستە دا هێتە دانان، ئەو تیمێن ل رێزا ئێكێ هەتا هەشتێ ئێكسەر دێ دەربازبنە قۆناغا 16ێ، ئەو یانەیێن رێزا نەهێ هەتا 24ێ دێ یاریێن خوە ب شێوەیێ دو گەڕ ئەنجامدەن ژبۆ دەربازبوونا هەشت تیمێن دی بۆ قۆناغا 16ێ، لێ ئەو یانەیێن رێزا 25 هەتا 36ێ دێ ژ قارەمانیێ هێنە دوورئێخستن.
ئەلمانییا دێ یارییا دووماهیێ مێڤان كەت
بۆ زانین د قۆناغا 16ێ دا دێ شێوازێ هاتنۆچوون دناڤبەرا یانەیان هێتە كرن هەتا دگەهیتە یارییا دووماهیێ، بڕیارە یاریێن ئێكێ ل 17ێ هەتا 19ێ ئەیلۆنا بهێت دەستپێكەت، یاریێن دویێ ل ئێك و دو یا چرییا ئێكێ هێنە كرن، ل 22و 23ێ هەمان مەهـ یاریێن گەڕا سێیێ نە، دێ بەردەوامبن هەتا یارییا دووماهیێ ل 31ێ ئەیارا سالا 2025ێ ل یاریگەها ئالیانز ئارینا یا بایرن میۆنخ وەلاتێ ئەلمانییا هێتە كرن.
