بهرپرسێ لقێ 18 مهزنترین قارهمانی ل دێرالۆكێ ڤهكر
مەحمود نهێلی
د بەروەدامیا گرنگی پێدانێ ب حەز و ئارەزویێن لاوان ب گشتی و وەرزشڤانان دهڤهرێ ب تایبەتی، ل ژێر چاڤدێری و ئامادەبوونا بەرەڤان حەمدی بەرپرسێ لقێ ١٨ یێ پارتی دیموكراتی كوردستان و ب هەلکەفتا شورەشا مەزنا ئیلونێ و ئامادەبوونا مەیسەر نێهلی سکرتێرێ ئێکەتیا لاوێن دیموکراتا کوردستانێ و جەماوەرەکێ بەرچاڤ، قارەمانیا ١١ی ئیلونێ یا تەپا پێی ب پشکداریا ٣٢ تیمێن ملی یێن سنورێ ناوچا دێرالوکێ دەستپێکر.
د پەیڤەکێ دا بەرپرسێ لقێ، بەحس ل ڕولێ لاوان – شویرها پیلایی و ئێکەتیا لاوان ل قوناغێن جودا کر و ئاماژە دا گرنگی پێدان و ئەوان خزمەتێن ژ لایێ حکومەتا هەرێمێ و ئێکەتیا لاوان ڤە بۆ خزمەتا ڤێ تەخا گرنگ و کاریگەر ژ بۆ بەرهەڤکرنێ و پەرەپێدان ب شیانێن وان یێن هزری و سیاسی و زانستی و جڤاکی و روشەنبیری و وەرزشی و ئاراستەکرنا وان ژ بۆ پشکداریێ د بەرەڤانیکرن ژ و ئاڤاکرنا وەلاتی دا کر، دیسان بەحس کرن ل گرنگیا وەرزشێ د بیاڤێ ئاڤاکرن و پێشڤەبرنا شیانێن جەستەیی و مێشکی و ساخلەمیا لەشی زێدەباری کو دبیتە رێیەک بۆ دانەنیاسینا مللەتان ل مەحفەلێن دەولی.
