ب گوژمێ پتری ملیار دیناران نەخۆشخانەك ل دینارتە دهێتە ئاڤاكرن
ئاكرێ، رەمەزان زەكەریا:
ئاڤاكرنا نەخۆشخانا پێشكەفتیا ژ جۆرێ Aل سەنتەرێ ناوچەداریا دینارتە ب رێژەكا باش كارێن وێ هاتینە كرن و خەلكێ دەڤەرێ چاڤەرێ نە تەمام ببیت و چارەسەریا خوە ل دینارتە بكەن.
شەعبان خەلیل بەرواری، دەڤەردارێ ئاكرێ ب وەكالەت بۆ ئەڤرۆ گۆت: «كاركرن ل سەر ئاڤاكرنا نەخۆشخانا پێشكەفتیا دینارتە بەردەوامە ب رێژەكا باش هاتییە ئاڤاكرن چاڤەرێ دهێتە كرن د دەمەكێ نێزیك دا بهێتە تەمامكرن»
گۆتژی: «هەتا نوكە ب باشی كارێ ئاڤاكرنا نەخۆشخانێ هاتیە ئەنجامدان و ئەڤ نەخۆشخانە دێ بیتە ئەگەرەك، كو وەلاتیێن دەڤەرێ بۆ چارەسەریا نەخۆشێن خوە پێدڤی ب دەڤەرێن دی نەبن، نەخۆشخانا دینارتە یاپێشكەفتی ب گوژمێ ملیار و 28 ملیۆن و 698 هزارا دیناران دهێتە ئاڤاكرن، نوكە ب رێژەیا 40% كار ل سەر هاتیە كرن و بڕیارە د دەمێ خوە دا بهێتە تەمامكرن».
