تەپا ل سەر مێزێیا پۆلیتەكنیك دەرباز بوو خولا نایابا ئیراقێ
شاهۆ فەرید:
تیما یانەیا پۆلیتەكنیك پلێتا دەربازبوونێ بۆ خولا پلا نایابا ئیراقێ ب سەرفەرازی مسۆگەر كر پشتی د هەڤڕكیێن ب هێز دا یێن ژ چارچووڤەیێ ڤاڤارتنێن خولا پلە ئێك یا ئیراقێ بۆ یارییا تێنسا ل باژێرێ كەركووكێ هاتییە كرن ئەوا ب پشكداریا نەهـ یانەیان بوون و تیما پۆلیتەكنیك شیا رێزبەندیا سێیێ دەستڤەبینن و ببتە ئێك ژ نوونەرێن پارێزگەها دهۆكێ د خولا پلەیا نایاب ئیراقێ دا.
ل دور ڤێ یەكێ زانیار رەجەب ڕاهێنەرێ تیما پۆلیتەكنیك بۆ رۆژنامەیا ئەڤرۆ گۆت: پێخوەشحالین پشتی ماندیبوونەكا درێژە ئەم شیاین ب گەیهنە ئارمانجا خوە كو د ماوەیێ دو هەیڤێن بەرهەڤیا شیاین ئاست و رێزبەندیا سێیێ بینین و دەرباز بینە پلا نایاب، ژ سەرجەمێ نەهـ یاریا مە حەفت سەركەفتن ئینان د بەرانبەر دا تووشی دو خوسارەتیان بووین، لێ ئەم بەردەوام ل سەر ئاستێ خوە یێ بلند بەردەوام بووین، بۆ قوناغا بهێت دێ پتر بەرهەڤیان كەین و ڕاهێنانان ئەنجامدەین و ئاستێ خوە زێدەتر پێشئێخین، ژبەركو ئەركێ مە د خولا پلا نایا بدا ب سانەهی نابیت و هەموو یانە خودان سەربۆر و شارەزانە و شیانێن مەزن هەنە ب تایبەت ب هەبوونا یاریزانێن هەلبژارتیێ ئیراقێ و یانە هەنە یاریزانێن پیشەكار بۆ ناڤ رێزێن خوە د ئینن.
هەروەسان ناڤهاتی گۆت: وەرزێ نوو دێ ل چڕیا ئێكێ یا بهێت دەستپێكەت، ئانكو چو دەم ل بەر دەستێ مە نینە و دڤێت بەردەوامبن ل سەر راهێنانێن خوە، پێنەڤێت مە ئەو شیانێن دەستڤە ئینانا ناسناڤی نابن لێ ئەم نابیتە تیمەكا ب سانەهی بۆ هەر یانەكا یاریێ بەرانبەری مە بكەت و مە باوەری ب شیانێن خوە هەنە كو دێ شێن ئاست و ئەنجامێن دلخوەشكەر دەستڤە ئینن، لڤێرە من دڤێت سوپاسیەكا تایبەت بۆ سەرۆكا یانەیا پۆلیتەكنیكی د. ئاری عادل و جێگریێ وێ سەركەفت ڕەشیدی هاریكاریی و پالپشتیا مە بوویە هەر ژ دەستپێكا راهێنانان هەتا ب دەستڤە ئینانا رێزا سێیێ و دەربازبوون بۆ پلا نایاب و رژدین بەردەوامیێ بدەینە ئەنجامێن باش.
