دخوازیت شۆفێر خوە نەترسینن
سندس سالح:
سالح ئیسماعیل سالح، كو نێزیكی دەه سالانە وەك راهێنەر خەلكەكی فێری هاژۆتنا ترۆمبێلێ دكەت، د دیدارەكێ دا بۆ رۆژناما ئەڤرۆ گۆت: دژیەكێ بچووكدا من حەزژ هاژۆتنا ترۆمبێلێ دكر و پشتی من مۆلەتا هاژۆتنێ وەرگرتی حەزا من زێدەتر لێ هات و ل سالا 1998 ئەز چوومە دەف بابێ خوە من كاركر، كو ل وی دەمی وی نڤیسینگەها فێركرنا شۆفێریێ هەبوو، پشتی ماوەیەكی ئەز بوومە راهێنەر و هەتا نوكە ب هزار خەلك ژ هەردو رەگەزان من فێری هاژۆتنا ترۆمبێلێ كرینە و كەسێن دهێن خوە فێردكەن ژیێ وان د سەر هەژدە سالیێ دایە و هەتا شێست سالیێ ژی دهێن.
زێدەتر گۆت: خولێن مە دەه رۆژن و دهەر رۆژەكێ دا چل و پێنج خۆلەكان ئەم وان فێری شۆفێریێ و میكانیكیێ دكەین و پتریا وان فێربووینە و مۆلەتا هاژۆتنێ وەرگرتینە و نوكە خودان ترۆمبێلن و هەردەم شیرەتا مە بۆ وان ئەو بوویە لەزاتیێ د هاژۆتنێ دا نەكەن، هەروەسا ل دەمێ هاژۆتنێ خوە نەترسینن و پێگیرێی ب رێنمایێن هاتنوچوونێ بكەن، دا گیانێ وان هەروەسا یێ خەلكەكی ژی یێ ب سلامەت بیت.
