دێ بزاڤێ كەم ئێكەم دادڤانێ دهۆكێ قارەمانیێن نێڤدەولەتی بڕێڤە ببەم
قەیس وەیس:
د دیدارەكێ دا دادڤانێ یارییا باسكێت بۆلێ و كوڕێ باژێرێ دهۆكێ بەهدین نائیف دیار كر پشتی ب سەرفەرازی شیایی پلەیا خوە یا دادڤانییا نێڤدەولەتی نوو بكەت و دەلیڤە بۆ پەیدابوویە ئەو د قارەمانیێن مەزن ژی پشكدار بیت.
زێدەتر ناڤهاتی بۆ رۆژنامەیا ئەڤرۆ گۆت: بەری مەهەكێ ئەم كۆمەكا دادڤانێن خودان پلەیا نێڤدەولەتی پشكداری خولا بلندكرن و پەسەندكرنا باوەرنامەیێن خوە ل باژێرێ بەغدا بووین ئەوا ژلایێ فیدراسیۆنا باسكێت بۆلا ئیراقێ ب هەڤكاری دگەل فیدراسیۆنا ئاسیا هاتبوو رێكخستن، خوە بەرهەڤكرن بۆ وەرزێ نوو یێ خول و قارەمانیێن ئیراقێ و یێن دەرڤە، هەرچەندە باوەرنامەیا من یا دادڤانێ نێڤدەولەتی بۆ بڕێڤەبرنا یارییان وەكو یێ سەرەكی ژ مێژەیە من ب دەستڤە ئینایی، لێ بۆ نووكرنا باوەرنامەیا دادڤانێ ل سەر مێزێ من پشكداری د ئەڤێ خولێ دا كر ئەوا ب شێوەیی تیۆری و پراكتیكی دهاتە بڕێڤەبرن و دووماهیێ تاقیكرن ب شێوەیێ جودا ل دووڤ رێنمایێن فیدراسیۆنا ئاسیا دهاتنە كرن وب سەرپەرشتییا شارەزا و وانەبێژێن نێڤدەولەتی بوون، ل دووماهیێ ب خوەشحالی ڤە ب سەركەفتم.
ژلایەكێ دیڤە بەهدین شوكری گۆت: ب نووكرنا پلەیا خوە یا نێڤدەولەتی پێنگاڤێن من یێن بەردەوامن ژبۆ گەهشتن بەر ب هیڤییان ئەو ژی د قارەمانییەكا ئاسیایی یان جیهانی دا یاریێن وان بڕێڤە ببەم و و رژدم وەكو ئێكەم دادڤانێ دهۆكێ بشێم قارەمانییەكا جیهانی بڕێڤە ببەم، پێنەڤێت ئەڤچەندە ژی زەحمەت و خوە پێشئێخستنا ئاستێ خوە یە هەتا ب گەهمێ.
