رێڤه‌به‌را ناوچه‌داریا بامه‌رنێ‌: ئه‌م چاڤه‌ڕێی حوكمه‌تێینه‌ بۆ ده‌ستپێكرنا تۆنێلا چیایێ‌ مه‌تینا

رێڤه‌به‌را ناوچه‌داریا بامه‌رنێ‌: ئه‌م چاڤه‌ڕێی حوكمه‌تێینه‌ بۆ ده‌ستپێكرنا تۆنێلا چیایێ‌ مه‌تینا

6

ئامێدیێ، مه‌حمود نهێلی:

چێكرنا هه‌ژماره‌كا تۆنێلان ل پارێزگه‌هێن هه‌رێما كوردستانێ ئێك ژ پلانێن حكومه‌تا هه‌رێما كوردستانێ یه‌، ئێك ژ وان تۆنێلان دكه‌ڤیته‌ ده‌ڤه‌رداریا ئامێدیێ ل چیایێ مه‌تینا و دو ناوچه‌داریان ل گه‌ل سنوورێ توركیا پێكڤه‌ گرێ دده‌ت، رێڤه‌به‌را ناوچه‌داریا بامه‌رنێ ژی دبێژیت: چێكرنا تۆنێلا چیایێ مه‌تینا ل ده‌ڤه‌را ئامێدیێ گه‌له‌ك گرنگیا خوه‌ بۆ دڤه‌رێ یا هه‌ی و رێیا چه‌ندین ناوچه‌یان دێ پێكڤه‌ گرێ دده‌ت.

میران عه‌بدولره‌حمان، رێڤه‌به‌را ناوچه‌داریا بامه‌رنێ بۆ رۆژناما ئه‌ڤرۆ گۆت: “ژ به‌ر كو تۆنێلا چیایێ‌ مه‌تینا دێ ناوچه‌داریا بامه‌رنێ ل گه‌ل ناوچه‌داریا كانی ماسێ و سنوورێ توركیا پێكڤه‌ گرێده‌ت و دێ بیته‌ رێیه‌كا ستراتیژی و بازرگانی بۆ ده‌ڤه‌رێ دێ گه‌له‌ك گرنگیا خوه‌ هه‌بیت و چه‌ندین كێلومه‌ترێن رێكێ ژی دێ كورت كه‌ت و زێده‌باری نه‌هێلانا ئه‌ڤرازی و چه‌پان د رێیا هاتنوچوونێ دا”.

ده‌رباره‌ی ده‌سپێكرنا كارێ پڕۆژه‌ی، رێڤه‌به‌را ناوچه‌داریا بامه‌رنێ ئاشكرا كر، ئه‌و چاڤه‌رێی به‌رسڤا حكومه‌تێ و وه‌زاره‌تا ئاڤه‌دانكرنێ نه‌ و هیڤی ژی خواست، كو د ده‌مه‌كێ‌ نێزیك دال ده‌ست ب كارێ پڕۆژه‌ی بهێته‌ كرن.

کۆمێنتا تە