رێیا چێكرنا ته‌خمێن ددانان هاتیه گوهاڕتن
تایبه‌تمه‌نده‌كێ نه‌خۆشیێن ده‌ڤ و ددانان ل پارێزگه‌ها دهۆكێ دیاركر:” رێیا چێكرنا ته‌خمێن ددانان یا هاتیه گوهارتن نوكه خه‌لك ته‌خمێن ددانان چیناكه‌ن”.
د. میرزا مراد، تایبه‌تمه‌ندێ نه‌خۆشیێن ده‌ڤ و ددانان ل پارێزگه‌ها دهۆكێ دیاركر:” زانستێ ددانان گه‌له‌ك گوهۆرین كه‌ڤتیه تێدا ل هه‌رێما كوردستانێ ژی زانستی ددانان گه‌له‌ك پێشكه‌ڤتیه نوكه نۆشدار زانستێ نوی بۆ ددانانان ب كاردئینن بۆ نموونه به‌ری نوكه گه‌له‌ك نه‌خۆشان ته‌خمێن ددانانان بۆ خوه چێدكرن ب تایبه‌تی ژی ئه‌و نه‌خۆشیێن ژ چاره‌سه‌ریا ددانێن خوه بێ ئومێد دبوون چو چاره‌سه‌ری ل ددانێن وان نه‌دهاته‌كرن ژ نه‌چاری ته‌خمێن ددانان بۆ خوه چێدكرن”.
ئاماژه دا وێ چه‌ندێ ژی كو:” نوكه رێیا چێكرنا ته‌خمێن ددانان یا هاتیه گۆهارتن نوكه ئه‌م ددانی نائیننه ده‌ر، به‌لكو دوباره ره‌هێن ددانان دهێنه پڕكرن وچێكرن ل شوونا دانانا ته‌خمێن ددانانان نوكه جسره‌كێ خوه جه دهێته دانان، گه‌له‌ك ته‌خمێن ددانان باشتر بۆ نه‌خۆشی، چونكو یێ خوه جه نه‌خۆش ژ ده‌ڤێ خوه نائینته ده‌ر هه‌تا بۆ خوارنێ ژی گه‌له‌ك باشه چو كارتێكرنێ ل سه‌ر نه‌خۆشی ناكه‌ت”.
ئاشكه‌را كركو:” ئه‌و نه‌خۆشێ ددانێن خوه ئینابنه ده‌رژی یان هه‌كه ددانێن نه‌خۆشی گه‌له‌ك كێم مابن ئه‌م ل سه‌ر ددانێن وێ هنده‌ك دچینن وجسر دهێته دانان دبنه ددانێن خۆجه د ده‌ڤێ نه‌خۆشی دا گه‌له‌ك باشتره بۆ نه‌خۆشی، چونكو نه‌خۆش پێدڤی ته‌خمێن ددانان نابیت “.
د. میرزا موراد ، گۆتژی:” به‌ری نوكه هنده‌ك كه‌س ل كولانان دگه‌ریان بۆ چێكرنا ددانان ئامیرێن وان گه‌له‌ك د پیسبوون نه‌دهاتنه تافیلكرن نوكه ژی ئه‌ڤ چه‌نده ماینه و گۆت: هیڤدارین خه‌لكێ مه خوه ژێ ب پارێزن، چونكو نوكه نه‌خۆشخانه و نۆشدار و ئامیرێن پێشكه‌فتی یێن ددانان هه‌نه ب رێیێن زانستی كار دكه‌ن، ژبه‌ركو ئه‌و ئامیرێن دان پێ دهێنه چێكرن به‌رده‌وام پێدڤی ب تافیلكرن و پاقژكرنێ هه‌نه ئه‌ڤ كاره ژلایێ نۆشداران ڤه دهێته ئه‌نجامدان له‌ورا باشتره خه‌لك ددانێن خوه د ده‌ستێ وان كه‌سان نه‌كه‌ن یێن كولانان دگه‌ریێن ددانان چێدكه‌ن.
