سەرۆكێ نوو یێ زانكۆیا زاخۆ دەست ب كاربوو
زاخۆ، دلۆڤان هالۆ:
ب ئامادەبوونا سەباح ئیبراهیم وەیسی، نوونەرێ وەزیرێ خواندنا بلند و ڤەكۆلینێن زانستی و هژمارەكا كەسایەتیان، دوهی 12/3/2025 د ڕێورەسمەكێ تایبەت دا پۆستێ سەرۆكێ زانكۆیا زاخۆ هاتە گۆهۆڕین، پڕۆفیسۆر دكتۆر دیار عەبدولكەریم سەعید هالۆ ل جهێ پڕۆفیسۆر دكتۆر نازم سلێمان عەبدولعەزیز وەكو سەرۆكێ نوو یێ زانكۆیا زاخۆ دەست ب كاربوو.
سەباح ئیبراهیم گۆت: «ئەم بناڤێ وەزیرێ خواندنا بلند و ڤەكۆلینێن زانستی سوپاسیا سەرۆكێ پێشتر یێ زانكۆیا زاخۆ دكەین، كو ل دەمێ بۆری ب دلسۆزی و خەمخۆری كاركرییە، دیسا پیرۆزباهییێ ل سەرۆكێ نوو یێ زانكۆیا زاخۆ پڕۆفیسۆر دكتۆر دیار عەبدولكەریم سەعید هالۆ دكەین، هەموو بەرهەڤی و پشتەڤانیا وەزارەتا خواندنا بلند بۆ دوپات دكەین، و هیڤییا سەركەفتنێ د ئەركێ وی یێ نوو دا بۆ دخوازین».
