شەش خودانێن موەلیدەیان ل ئاكرێ هاتنە سزادان
ئاكرێ، رەمەزان زەكەریا:
ژ بەر پێگیری نەكرن ب رێنومایێن كاركرنێ، هەژمارەكا موەلیدەیێن تاخێن ئاكرێ ب گوژمەكێ پارەی بۆ هەر ئەمپێرەكی یێ مەها هەشت هاتنە سزادان.
دەڤەرداریا ئاكرێ راگەهاند: شەش خودانێن موەلیدەیان هاتینە سزادان، ژ بەر پێگری نەكرن ب رێنومایێن لیژنا موەلیدەیان، ئەو خودان موەلیدە ژی یێن ڤان تاخێن دیاركرینە:
١-موەلیدەیا تاخێ كەلێستی ب هزار دیناران بۆ هەر ئەمپێرەكی.
٢- موەلیدەیا تاخێ خرپا هەركیا ب هزار دیناران بۆ هەر ئەمپێرەكی.
٣- موەلیدەیا تاخێ شەهیدان پشتا قەلعێ ب هزار دیناران بۆ هەر ئەمپێرەكی.
٤- موەلیدەیا تاخێ مەهەت ب هزار دیناران بۆ هەر ئەمپێرەكی.
٥-موەلیدەیا تاخێ كوجین هملا فەرزو ب پێنج هزار دیناران بۆ هەر ئەمپێرەكی.
٦-موەلیدەیا تاخێ ١١ی ئەیلۆل ب هزار دیناران بۆ هەر ئەمپێرەكی.
