شەهیانەكا ب كۆم بۆ ١٠٠ بووك و زاڤایان ل ئامێدیێ هاتە گێـڕان
ئامێدیێ، مەحمود نهێلی:
ب بەرهەڤبوونا فەرماندە مەنسور بارزانی شەهیانەكا ب كۆم بۆ ١٠٠ بووك و زاڤایان ل پاركا بەرێ سیلێ ل سنوورێ دەڤەرداریا ئامێدیێ هاتە گێڕان، كو تێدا مەزاختیێن شەهیانێ هەموو ژ لایێ فەرماندە مەنسور ڤە هاتبوونە دابینكرن.
فەرماندە مەنسور بارزانی د پەیڤەكی دا دیار كر، هاریكاری بۆ ڤێ شەهیانا ب كۆم نە وەك بانگەشەیا هەلبژارتنان هاتیە ئەنجامدان و گۆت: «ئەڤە وەكو هاریكاریەكێ بۆ گەنجان، داكو بشێن پرۆسێسا هەڤژینیێ پێك بینن».
ناڤهاتی دیاركر، ئەڤ پرۆسێسە بۆ سالێن بهێن دێ یا بەردەوام بیت و ل بەرە د سالێن داهاتی دا ل پارێزگەهێن دی ژی یێن هەرێمێ ئەڤ هاریكاریە بۆ وان گەنجان بهێتە كرن یێن پرۆسێسا هەڤژینیێ پێك دئینن.
ژ لایێ خوەڤە بەرەڤان حەمدی، بەرپرسێ لقێ 18 یێ پارتی سوپاسیا فەرماندە مەنسور بارزانی كر بۆ ڤی كارێ پیرۆز و هیڤی ژی خواستن، كو سالانە ئەڤ هاریكاریە یا بەردەوام بیت.
