شەڤ
ژینێ رێكانی
ژ شەڤێ حەز دكەم
گیرۆبوونێ نزانیت
تەنێبوونا من
دكەتە ئاوازێن
رێكا كانیا ژڤانێن من لێ مەخەل بووین
ب هۆستایی
مینا دەروێشەكێ ژ عەشقێ مەست بووی
دژەنیت.
شەڤ
گیرۆبوونێ نزانیت
ژڤانێن عاشقان
د دلێ خوە دا همبێز دكەت
نە كامیرێن نهێنیێن سەر جادا
نە ژی بەكۆیێن ژ عەشقێ بكین
دكارن تۆمار بكەن
پێژنێن عاشقان
د دلێ شەڤێ دا
هێدی و بێ پێژن
بۆ ژڤانی دبۆرن.
شەڤ
بەلاتینكێن هۆزانەكا
ژ همبێزا خەریببیا من
ژ ژانا تەنێبوونێ
شاپەرێن خوە لێك ددەت
بۆ ئاسۆیەكا مەست ژ ئەڤینێ.
