قونسلێ ئەمریكا ل هەولێرێ سەرا پارێزگەها دهۆكێ دا
پارێزگارێ دهۆكێ و قونسلێ نوو یێ ئەمریكا ل هەرێما كوردستانێ دوپاتی ل سەر خورتكرنا پەیوەندیێن دێرین د ناڤبەرا ئەمریكا و هەرێما كوردستانێ دا كر.
د. عەلی تەتەر، پارێزگارێ دهۆكێ دوهی پشتی نیڤرۆ رۆژا سێشەمبی 3/9/2024 پێشوازی ل ستیڤ بێتنەر، قونسلێ نوو یێ ئەمریكا ل هەرێما كوردستانێ و شاندێ د گەل دا كر، د هەڤدیتنەكێ دا هەردو لایان بەحسێ پەیوەندیێن دێرین یێن دو قولی د ناڤبەرا هەرێما كوردستانێ و ئەمریكا دا و رەوشا دەڤەرێ ژ لایێ ئێمناهی و ئابووری و بازرگانی ب گشتی هاتە كرن.
د تەوەركێ دی دا بەحسێ گرنگیا هەلبژارتنێن پەرلەمانێ كوردستانێ و نێزیكبوونا بانگەشەیا هەلبژاتنان و رۆلێ سازیێن پەیوەندیدار بۆ هشیاركرنا جڤاكی، كو ب شێوەكێ ئارام و شارستانی پشكداریێ د ڤێ پرۆسا دیموكراتی دا بكەن ب گشتی هاتە كرن.
پارێزگارێ دهۆكێ و قونسلێ ئەمریكا ل هەولێرێ دوپاتی ل سەر بەردەوامیدانا خورتكرنا پەیوەندیێن دێرین د ناڤبەرا هەردو لایان دا، هەروەسا گرنگیا ئەنجامدانا هەلبژارتنێن پەرلەمانێ كوردستانێ كر و خواستن ئەڤ پرۆسا دیموكراتی ل دووڤ یاسا و رێنمایێن كۆمسیۆنا بلند یا هەلبژارتنان و ب رەنگەكێ زەلال و شارستانی بهێتە ئەنجامدان.
